Yuxusuzluq ölümlə nəticələnə bilər - Qorxunc FƏSADLARI
- 2018.06.29 13:50
- 11098 Baxış
Mütəxəssislər normal yuxunun 7-8 saat olduğunu bildirirlər. Yuxusuzluq isə bir çox xəstəliyin başlanğıcı ola bilər.
Medicina.az yuxusuzluğun fəsadlarını təqdim edir:
Yaddaşa və beyinə təsir edir
Gecə kifayət qədər yatmadıqda ertəsi gün fokuslanma, problem həll etmə qabiliyyətinin aşağı düşməsi və diqqət əskikliyi yaşaya bilərsiniz. Yaxşı bir yuxu zehni sağlamlıq, düşünmə və öyrənmə həvəsində əhəmiyyətli rol oynayır.
Ürəyinizin funksiyaları zəifləyir
Bədəniniz yuxusuz qaldıqda yaşınız, çəkiniz, vərdişləriniz nə olursa-olsun, ürək və damar xəstəlikləri riski artır. Yuxu qan damarlarınızı və ürəyinizi yaxşılaşdırır, yenilənmədə həyati rol oynayır. Ürək sağlamlığınızı qorumaq üçün hər gecə ən az 6 saat yatıb dincəlməyiniz vacibdir.
İmmun sisteminiz zəifləyir
Yuxu əsnasında immun sisteminiz sizi infeksiyadan qoruyan zülallar ifraz edir. İmmunitet zəiflədikdə bədəniniz hər cür virus və bakteriyaya qarşı müdafiəsiz hala gəlir. Kifayət qədər yatmayan insanlar xüsusilə qrip və soyuqdəyməyə daha çox tutulur.
Depressiyaya səbəb olur
Depressiya xəstələri arasında yuxusuzluq ən böyük göstəricilərdən biridir. Əgər yuxu probleminiz varsa, təcili həkimə müraciət edin. Çünki yuxusuzluq depressiya yarada bilər.
Çəki artırır
Bədəniniz ehtiyacı olduğundan daha az yatdıqda və dincəldikdə grel hormonu istehsalı artır. Bu hormon aclıq hissi yaradır. Əgər iştahanıza nəzarət edə bilməsəniz, bu, piylənmə ilə nəticələnə bilər.
Erkən ölümlərlə nəticələnir
Yuxu insanlar üçün nəfəs almaq qədər lazımlıdır. Qeyri-kafi yuxu 700-dən çox genetik dəyişikliyə səbəb olur və bu dəyişikliklər sağlamlığınıza ciddi ölçülərdə təsir edir. Bu da erkən ölümlərə dəvətnamə yollayır.
Ən Çox Oxunanlar
Yeni Xəbərlər
