Yumurtalıq ağrıları necə olur
- 2022.09.28 14:51
- 55603 Baxış
Bir çox qadınlar yumurtalıqlar qarın nahiyəsində sağ və ya sol tərəfli, ikitərəfli sancı, ağrılardan şikayətlənir.
"Medicina" xəbər verir ki, hətta uşaq və yeniyetmələrdə rast gəlinən yumurtalıq ağrılarının səbəbləri müxtəlifdir.
1. Yumurtalığın iltihabıd(adneksit). İltihabın səbəbi müxtəlif infeksiyalardır (mikoplazma, ureaplazma, xlamidiya, kandida və s.). Adneksit mütləq müalicə olunmalıdır. Əks halda kəskin proses xroniki formaya keçir. Bu isə sonsuzluğa gətirib çıxarda bilər.
Adneksitin əsas simptomu qarının aşağı hissəsində və yumurtalıqlar nahiyəsində ağrıların olmasıdır. Ağrılar bel nahiyəsinə də yayıla bilər.
2. Yumurtalıqların artımlarının iltihabı (ooforit) da bu nahiyədə ağrılara səbəb ola bilər. Ağrılar tutmaşəkilli ola bilər, bəzən isə ağrılar daimi xarakter daşıyır. Gərginliklər, soyuqlama, immunitetin pozulmaları zamanı ağrılar kəskinləşir.
3. Bəzən ağrılar qadında kistanın əlaməti kimi meydana çıxa bilər. Kista kiçik olduqda ağrılar olmaya bilər. Lakin kista böyüdükcə ətrafdakı sinirləri və yaxında yerləşən orqanları sıxa bilər ki, bunun nəticəsində ağrılar əmələ gələ bilər.
4. Yumurtalıqda olan kistanın burulması nəticəsində burada normal qan dövranı pozulur, iltihab və nekroz (toxumaların məhv olması) inkişaf edir ki, bunun nəticəsində qadında güclü ağrılar əmələ gəlir. Belə patologiyanın nəticəsində qadında çox güclü və təhlükəli iltihab - peritonit (qarın boşluğunun iç qatının iltihabı) inkişaf edə bilər. Peritonit ölümə səbəb ola bilər.
Peritonit yalnız cərrahiyyə yolu ilə müalicə olunur.
5. Yumurtalığın burulması da güclü ağrılara səbəb ola bilər. Bu pozulma güclü fiziki gərginliklərin nəticəsində inkişaf edə bilər. Belə pozulma tez-tez uşaqlarda inkişaf edir. Bundan əlavə risk qrupuna ovulyasiyanı stimullaşdıran preparatları qəbul edən qadınlar, hamilə qadınlar, yumurtalıqların patoloji böyüməsi olan qadınlar da daxildir.
Yumurtalığın burulmasının simptomları: yumurtalıqlar nahiyəsində kəskin ağrılar, ürəkbulanması, qusma, zədələnmiş yumurtalığın ölçülərinin böyüməsi. Təcili cərrahiyyə müdaxilə olunduqda, yumurtalığı adətən xilas etmək mümkün olur. Lakin tibbi kömək vaxtında göstərilməzsə, yumurtalıq məhv ola bilər. Bu halda yumurtalıq xaric olunmalıdır.
6. Ovulyasiya zamanı böyümüş follikul yumurtalığın qişasını yırtaraq yumurtalıqdan çıxır. Lakin bəzən ovulyasiya zamanı yumurtalıq partlaya bilər. Buna tibbdə "yumurtalığın apopleksiyası" deyilir. Bu zaman qan qarın boşluğuna tökülür və bunun nəticəsində qadında peritonit inkişaf edir. Bu pozulmanın yeganə müalicə üsulu təcili cərrahiyyə əməliyyatıdır. Partlamış yumurtalıq tıkılır, qarın boşluğu qandan təmizlənir və xüsusi dezinfeksiya məhlullarla işlənilir.
Yumurtalığın partlaması bir çox hallarda cinsi əlaqədən və ya trenajorlarda çox fəal şəkildə məşğul olduqdan qadında sonra inkişaf edir. Lakin bəzən bu pozulma "səbəbsiz olaraq" da inkişaf edə bilər.
Yumurtalığın partlanmasının əsas simptomları qəflətən əmələ gələn güclü ağrılar (ağrılan zədələnmiş yumurtalığın tərəfində olur), halsızlıq, başgicəllənməsi, bəzən bayılma, qusma, təzyiqin aşağı düşməsi, nəbzin tezləşməsi, bəzən qanlı ifrazatların olması və s.
7. Bəzi qadın sonsuzluğu formalarında hormonal müalicə təyin olunur. Bu müalicənin fonunda (xüsusilə müalicə uzunmüddətli olduqda) qadında yumurtalıqların hiperstimulyasiya sindromu inkişaf edə bilər. Bu pozulmanın simptomları arasında - yumurtalıqların böyüməsi, çoxsaylı kistaların əmələ gəlməsi, yumurtalıqlarda ağrılar. Bundan əlavə qadında çəkinin artması, qarının köpməsi, təngnəfəslik, qarın boşluğunda mayenin yığılması (assit), sidik ifrazın azalması və s. kimi simptomlar inkişaf edə
8. Yumurtalıqlarda ağrıların səbəbi şişlər də ola bilər.
9. Əgər bütün lazım olan müayinə və analizlərdən sonra yumurtalıqlarda ağrıların səbəbi dəqiq təyin olunmazsa, bu halda qadın psixoterapevtin müayinəsinə göndərilir. Məsələ burasındadır ki, kiçik çanaqda ağrılar isteriya, depressiya kimi əsəb pozulmaları olan qadınlarda müşahidə olunur.
Ən Çox Oxunanlar
Yeni Xəbərlər
Yumurtaligimda ağrılar olur, baski kimi ağrı verir. Sanci olur
Sag yumurtaliqda agrilarim olur belimede vurur agrisi sebebebi
Məndə sağ yumurtaligimda agri var bilmrəm nədi səbəbi .
Salam. 37 yaşım var. Məndə də hər zaman yumurtalıq ağrıları olur. Belım sol tərəfdən ağrıyır. Sankı qırılacaqmış kimi ağrııar olur. Xüsusəndə səhərlər yuxudan duranda bunu daha cox hiss edirəm.
Deməli mənim 17 yaşım var və sağ yumrtalığım eləcə ağrıyır ağrısıda dizdərimə vurur belmə vurur nədəndi bu
Menim sol terefimde sanci verir ve ayaqimada vurur agri yumurtaliq ola bilermi
Salam mənim yumurtaliqlarimda ara sıra ağrı hiss edirəm ama çox dəşətli ağrı olmur bu menim hamile qalmagma mane ola bilər birde böyreklerimde biraz ağrı olur her gün yox ara sıra
Salam ❤ Sizə bəzi sualarım var. 1. Yeniyetmələr də sol tərəf də ağrılar olur. 2. Yumurtalıq Püç olanda nələr olur yəni ağrı olur nələrlə üzləşirik 4. Yumurtalıqlara neçə zərər dəyir. 5. Yumurtalıq Püç olmasın deyə neynəməliyik
Salam,menim sol terefim cox guclu agriyir mence yunutaluqdi,neden ola biler bu agri??