Yeməkdən sonra bunları etməyin - 5 zərərli vərdiş
- 2025.04.10 08:33
- 579 Baxış
Tox mədədə edilən bəzi vərdişlər həzm sistemini zədələyə və sağlamlıq problemlərinə səbəb ola bilər.
Medicina.az yeməkdən dərhal sonra imtina etməli olduğunuz 5 vərdişi təqdim edir:
1. Dərhal yatmaq
Yeməkdən dərhal sonra uzanmaq və ya yatmaq reflüyə səbəb ola bilər. Həzm sisteminin düzgün işləməsi üçün yeməkdən sonra ən azı 1-2 saat uzanmamaq məsləhətdir.
2. Siqaret çəkmək
Yeməkdən sonra siqaret çəkmək nikotinin bağırsaqlarda udulmasını artıraraq, orqanizmə daha çox ziyan vurur. Həm də mədə turşusunu artırır, həzm problemlərinə səbəb olur.
3. Meyvə yemək
Meyvələr liflə zəngin olsa da, əsas yeməkdən dərhal sonra yedikdə mədədə fermentasiyaya səbəb ola bilər. Bu, şişkinlik, qaz və həzmsizlik kimi problemlər yaradar. Meyvə yemək üçün ən yaxşı vaxt yeməkdən ən azı 1 saat sonra və ya əvvəldir.
4. Duş qəbul etmək
Yeməkdən dərhal sonra duş qəbul etmək bədən istiliyini dəyişdirərək həzmə mənfi təsir göstərər.
5. Çay içmək
Yeməkdən dərhal sonra çay içmək dəmirin udulmasını azalda bilər. Bu vərdiş xüsusilə anemiya riski olan şəxslərdə daha böyük problemlərə yol açar. Çay içmək üçün yeməkdən sonra ən azı 30-45 dəqiqə gözləmək məsləhətdir.
Aygün
Medicina.az
Ən Çox Oxunanlar
Yeni Xəbərlər
