Yayda bədənə parazit düşdüyünü göstərən ƏLAMƏT
- 2023.06.13 14:47
- 1414 Baxış
Yayda parazitlərə yoluxma riski kəskin artır. Onların əksəriyyəti ilin bu vaxtında torpaqda yaşayıb çoxalır. Yayda da insanların torpaq, qumla təması artdığından yoluxma qaçılmaz olur.
Əslində, parazitar infeksiyalar çoxdur. Müxtəlif helmintlər çirkli əllər vasitəsilə və pis bişrilmiş ət yeməkləri ilə - çiy kabablar, yoluxmuş balıqlardan və hətta ağcaqanad dişləməsindən sonra yoluxa bilər.
“Medicina” xəbər verir ki, parazitlərin orqanizmdə olduğunu aşkar etmək elə də asan deyil.
Orqanizmdə parazitlər təkcə mədə-bağırsaq traktında deyil, əzələlərdə, ağciyər toxumalarında və ya digər orqanlarda yerləşə bilər. Məhz buna görə də orqanizmdə parazitlərin aşkarlanması çətindir, simptomları fərqlidir və çox vaxt qeyri-spesifikdir.
Həkim - infeksionist Andrey Pozdnyakovun sözlərinə görə, bağırsaq paraziti infeksiyasının ümumi simptomlarına zəiflik, iştahsızlıq, süstlük, dəri dəyişiklikləri, çəki itkisi və qarın ağrısı daxildir.
“Orqanizmdəki çox parazitlər xarakterik olan heç bir spesifik simptomlara malik deyildir. Yeganə istisna hal enterobiozda yalnız perianal qaşınmadır. Bu parazitoz üçün xarakterik bir əlamətdir.
Çünki perianal nahiyənin dərisini qaşıyan zaman parazit yumurtaları dırnaqların altına düşür və əllər ağıza salındıqda, yenidən udulur.
Eyni zamanda, həzm sistemini sevməyən, lakin bədənin başqa yerlərini seçən helmintlər var. Belə hallarda əlamətlər müəyyən bir orqanı sıradan çıxarmaq üçün xarakterik ola bilər.
Əgər parazitlər orqanizmdə, əsasən bağırsaqlarda çoxalıbsa, bağırsaqların iltihabına, bağırsaq tutulmalarına səbəb olacaq ki, bu zaman əməliyyat tələb edə bilər.
25 yaşa qədər öd yollarında yaşayan opistorxlar bədxassəli şişlərin, xüsusən də safra yollarının xərçənginin (xolangiokarsinoma) inkişaf riskini artırır.
Hətta ağır anemiyaya, dəmir və digər mikroelementlərin, vitaminlərin açıq bir çatışmazlığına, kaxeksiyaya səbəb olur ki, bu da insan orqanizminə əziyyət verərək məhv edir”.
Aynurə Məmmədova
Ən Çox Oxunanlar
Yeni Xəbərlər
