Yaponların “sarı qızıl” adlandırdıqları toxum – Faydaları saymaqla bitmir
- 2024.05.15 10:00
- 1050 Baxış
Yaponlar öz mətbəxlərində tez-tez sarı küncütdən istifadə edirlər.
Əsasən suşi və salatlarda istifadə edilən sarı küncüt faydaları ilə də diqqət çəkir.
Medicina.az küncütün faydalarını araşdırıb:
Qida dəyəri:
Sarı küncütdə zülal, lif, B vitaminləri (xüsusilə B1 və B6), E vitamini, dəmir, maqnezium, fosfor və sink kimi bir çox qida maddəsi var. Bu qidalar bədən üçün vacib olan bir çox funksiyanı dəstəkləyir.
Ürək sağlamlığı:
Sarı küncüt tərkibindəki oleik turşu və Omeqa-6 yağ turşuları sayəsində ürək sağlamlığını dəstəkləyir. Oleik turşu ürəyə faydalı yağlardan biridir. Bu turşu xolesterol səviyyəsini tənzimləyir.
Sümük sağlamlığı:
Küncüt kalsium, maqnezium və fosfor kimi minerallarla zəngindir. Bu minerallar sümük sağlamlığını dəstəkləyir və osteoporoz riskini azaldır.
Antioksidant təsiri:
Sarı küncütdə olan E vitamini kimi antioksidantlar sərbəst radikallarla mübarizə apararaq hüceyrə zədələnməsini azalda və yaşlanmanı yavaşlada bilər.
Çəkini nəzarətdə saxlayır:
Sarı küncütün tərkibindəki lif toxluq hissi verir və beləliklə, çəkiyə nəzarət etməyi asanlaşdırır.
Qan şəkəri səviyyəsi:
Tərkibindəki lif və qlisemik indeksinin az olması sayəsində küncüt qan şəkərini balanslaşdırmağa kömək edir. Bu isə diabet riskini azaldır.
Dəri və saç sağlamlığı:
Küncüt dəri və saç üçün vacib olan sink, mis və B vitaminlərini ehtiva edir. Buna görə də müntəzəm olaraq istehlak edildikdə dəri və saç sağlamlığını dəstəkləyir.
İmmun sistemi:
Tərkibindəki sink və antioksidantlar immunitet sistemini gücləndirməyə kömək edir, xəstəliklərə qarşı müqaviməti artırır.
Aysel
Ən Çox Oxunanlar
Yeni Xəbərlər
