YAP üzvü koronavirusdan vəfat etdi
- 2021.04.03 14:07
- 2388 Baxış
Medicina.az xəbər verir ki, bu barədə deputat Fazil Mustafa özünün “Facebook” səhifəsində paylaşım edib.
Bildirib ki, bir ay koronavirusdan əziyyət çəkən Aydın Heydərov aparılan müalicələrə baxmayaraq vəfat edib:
“Ailəsinə, yaxınlarına səbr diləyirəm”.
Qeyd edək ki, Aydın Vəli oğlu Heydərov 1948-ci il yanvar ayının 25-də Qərbi Azərbaycanın Dərələyəz mahalının Amağu kəndində anadan olub.
Göstərdiyi xidmətlərə görə dövlətimiz tərəfindən “Azərbaycan Xalq Cümhuriyyətinin 100 illiyi (1918-2018)” yubiley medalı ilə təltif edilən Aydın Heydərov həmçinin genişmiqyaslı xeyriyyəçilik fəaliyyətinin müqabilində BMT-nin xüsusi mükafatına layiq görülüb.
A.Heydərov YAP Nəsimi rayon təşkilatının yaradıcılarından olub. Nəsimi Rayon Ağsaqqallar Şurasının sədri olub.
Ən Çox Oxunanlar
Yeni Xəbərlər
