Xroniki xəstəliklər mövzusunda i Beynəlxalq Elmi-Praktik simpozium baş tutdu
- 2025.04.23 15:53
- 85 Baxış
Bakıda 2-ci Beynəlxalq Elmi-Praktik simpozium keçirilib. The Ritz-Carlton otelində keçirilən tədbir “Xroniki xəstəliklərin diaqnostika və müalicəsinə müasir yanaşma” mövzusuna həsr olunub.
"Medicina" xəbər verir ki. Simpoziumun əsas məruzəçilərindən biri beynəlxalq dərəcəli spiker, Kolumbiyanın Javeraniya Universiteti “İnteqrativ Təbabət” kafedrasının professoru Arturo O.Birne olub. Kolumbiyalı professor “Xroniki xəstəliklərin diaqnostikasında 5 element nəzəriyyəsi” mövzusunda çıxış edib.
Xatırladaq ki, professor Arturo O.Birnenin simpoziumdan əvvəl Azərbaycan Tibb Universitetinin professor və müəllim heyəti ilə görüşü olub.14-18 aprel tarixlərində isə Bioloji Təbabət İnteqrativ Müalicə Mərkəzində həm mədə-bağırsaq sistemi xəstəlikləri, allergiya, ateroskleroz, podaqra və metabolik sindrom pozulmalarından əziyyət çəkən pasientləri qəbul edib, həm də yerli həkimlər üçün seminar keçirib
“Xroniki xəstəliklərin diaqnostika və müalicəsinə müasir yanaşma” elmi-praktik simpoziumun spikerləri T.E.D., professor Fikriyyə İbrahimli, T,E,D., ATU-nun mama-ginekologiya kafedrasının professoru Natəvan Axundova, Bioloji Təbabət İnteqrativ Müalicə Mərkəzinin həkimləri terapevt Arzu Musayeva, qastroenteroloq Arzu Quliyeva, uzman pediatr Lalə Nəsirova da məruzələrində inteqrativ tibblə bağlı yeni müalicə metodlarından bəhs edib və praktik təcrübələrni paylaşıblar.
200-dən çox yerli həkimin iştirak ilə həyata keçirilən II Beynəlxalq Elmi-Praktik simpoziumda həkimlərə 7 DTT balı və sertifikat verilib.
MEDİCİNA.AZ
Ən Çox Oxunanlar
Yeni Xəbərlər
