Xoşbəxt və uğurlu olmağın sadə yolları - 8 QAYDA
- 2023.06.22 19:04
- 3358 Baxış
Xoşbəxtliyi başa düşməyi və hiss etməyi öyrənməsəniz, heç vaxt uğur qazana bilməyəcəksiniz. Əlbəttə ki, mənfilikləri, stereotipləri və tənqidləri görməmək çətindir, lakin görmək vacibdir.
“Medicina” xəbər verir ki, psixoloqların sözlərinə görə, xoşbəxt olmaq üçün bunları həll etməlisən.
1. Keçmiş - Keçmişi dəyişdirə bilməzsən, ona görə də onun üzərində dayanmaq mənasızdır. Bütün köhnə problemlərinizi və səhvlərinizi unudun. Əslində, səhvlərimiz bizə daha güclü və müdrik olmağa kömək edir, həmçinin zəif tərəflərimizi öyrədir. Ən stresli və faciəli vəziyyətlər belə bizə vacib dərslər verir. Sadəcə, təslim olmayın və keçmişin indikini məhv etməsinə imkan verməyin.
2. Nəzarətinizdə olmayan şeylər - Xoşbəxt və uğurlu insanlar heç vaxt nəyisə dəyişdirməyə özünü məcbur etməyə çalışmaz. Dünyada idarə edə bilməyəcəkləri şeylər olduğuna görə əsəbiləşmirlər. Uğurlu insanlar heç vaxt problem haqqında danışmırlar, həlli yolları haqqında düşünürlər. Mövcud vəziyyətə təsir edə və dəyişdirə bilmirsinizsə, onu buraxın.
3. Başqalarının fikri - İnsanları dinləyə bilmək dəyərli keyfiyyətdir, lakin bu o demək deyil ki, sırf başqasının fikri əsasında yaşamaq lazımdır. Əgər insanların sizi necə qəbul etdiyi barədə düşünməyə çox vaxt sərf edirsinizsə, o zaman özünüzü və şəxsiyyətinizi unutmaq riskiniz var. Kim olduğunuzu bilirsiniz, ona görə də başqalarının fikirlərinə əsaslanmayın.
4. Tələsmək - Səbr gözləmək deyil, gözləyərkən pozitiv və sakit qalmaq bacarığıdır. Atdığınız hər addım, nə qədər kiçik olsa da, artıq böyük bir irəliləyişdir. İstər çətin bir layihə üzərində işləyirsiniz, istər sağlamlığınızı yaxşılaşdırırsınız, istərsə də yeni bir dil öyrənirsinizsə, ani nəticə gözləməyin. Böyük və kiçik hər bir dəyişiklik səbr və vaxt tələb edir.
5. Şübhələr - Müvəffəqiyyətli insanlar həmişə uğur qazana biləcəklərinə inanırlar. Onlar şübhələrə məhəl qoymur və ən xoşagəlməz vəziyyətlərdə müsbət münasibət saxlayırlar. Çox səhv etsəniz belə, yenə də özünüzə və qabiliyyətlərinizə inanın. İnanın mənə, karyeranız zəhmətə dəyər. Bütün insanların ağıllı və axmaq, səxavətli və eqoist, xoşbəxt və depressiv ola biləcəyinə inanın. Milyonlar qazanmasanız belə, uğur qazandığınıza inanın.
6. Vacib olmayan vəzifələr - Uğurlu insanlar nə vaxt və necə yox deyəcəklərini bilirlər. Sən fövqəlbəşər deyilsən, hamıya kömək edə bilməzsən. Yalnız məqsədlərinizə diqqət etməlisiniz. Eyni anda bir çox işi görməyə çalışmayın.
7. Gündəlik məyusluqlar - Pis günlər sadəcə, pis günlərdir. Gəlirlər və gedirlər,onlara fikir verməməyə çalışın. Təəssüf ki, biz gündəlik məyusluqlardan qaça bilmirik. Düşürük, qalxırıq, səhv edirik, öyrənirik və yaşayırıq. Hamımız insanıq, mükəmməl ola bilmərik
8. Qorxu və narahatlıqlar - Çox vaxt uğursuzluq, mühakimə, anlaşılmazlıq və ya rədd edilmə qorxusu ilə riskdən imtina edirik. Uğurlu insanlar bu qorxulara məhəl qoymurlar. Əslində, həyatda demək olar ki, hər şey kifayət qədər risklidir.
Risk etməsəniz, nəyə qadir olduğunuzu bilməyəcəksiniz. Qorxu, şübhə, məyusluq və ya narahatlıq hiss etdiyiniz zaman, bununla mübarizə apara biləcəyinizi bilin.
Günay Quluzadə
Ən Çox Oxunanlar
Yeni Xəbərlər
