Xərçəngə ən həssas orqanlar bunlardır
- 2023.07.18 18:31
- 2426 Baxış
İnsan bədəninin bəzi orqanları digərlərindən daha çox xərçəngə meyllidir.
“Medicina” xəbər verir ki, onkoloq Konstantin Titovun sözlərinə görə, son illərdə xərçəngin daha gənc qurbanlar seçməsi yalnış fikirdi. Müəyyən yaşda olan bütün xəstələr skrininq proqramlarından keçərsə, xərçəngi kifayət qədər erkən aşkarlaya bilərik.
“Ümumiyyətlə, xərçəng 90% qazanılmış xəstəlikdir və ən çox yaşlı insanlara təsir göstərir. Əlbəttə ki, uşaqlar da xəstələnirlər, lakin nadir hallarda; gənc insanlar yaşlılara nisbətən daha az xəstələnirlər.
Lakin bu xəstəlikdə lider orqanlar var. Bunlar ağciyər xərçəngi, qadınlarda döş xərçəngi, bədxassəli dəri şişləri, kolon və düz bağırsaq xərçəngi və prostat xərçəngidir. Metastaz olmadan kiçik ölçülü bir şişin erkən aşkarlanması 80-90% hallarda şişin tam aradan qaldırılmasını təmin edir.
Xəstəliyin erkən forması olan bütün xəstələr daha az aqressiv müalicə olunur. Çox vaxt orqan qoruyan cərrahiyyə aparılır, radiasiya terapiyası həmişə tələb olunmur və nadir hallarda əlavə kimyaterapiya tələb olunur.
Xərçəngin əsas düşməni erkən diaqnozdur. Xəstəlik nə qədər tez aşkar edilərsə, tam sağalma ehtimalı bir o qədər çox olar. Bu səbəbdən sağlamlığınızı diqqətlə izləmək və narahatedici simptomlar görünən kimi həkimə müraciət etmək tövsiyə olunur”.
Günay Quluzadə
Ən Çox Oxunanlar
Yeni Xəbərlər
