Xərçəngdən əməliyyat olunan aktyor diaqnozundan xəbərsizdir
- 2021.12.02 15:28
- 1848 Baxış
Akademik Musiqili Teatrın aktyoru, Əməkdar artist Novruz Qartal xəstəxanadan evə buraxılıb.
Medicina.az xəbər verir ki, bu barədə yenicag.az-a açıqlamasında aktyorun həyat yoldaşı Zərqələm Əliyeva bildirib.
“Özü ağır xəstəliyə düçar olduğundan xəbərsizdir. Xərçəng xəstəsi olduğunu həkimlər də, biz də gizlədirik ondan.
İstəmirik ümidsizliyə qapılsın. Xəstəxanadan evə gətirmişik. Uzanır, az-az danışır, çox zəifdir. Bəzən huşu gedib-gəlir. Heç bilmirik necə olacaq? Amma sağalacağına inanır. Deyir sağalacam, səhnəyə çıxacam, fəxri ad alacam, mənə ev verəcəklər, kirayədən canım qurtaracaq. Allaha təvəkkül, dua edirik ki, sağalsın, heç olmasa bir az yaşasın.
Onsuz da onkoloji xəstədir, nə qədər yaşayacağını Allah bilir. Heç olmasa, sağlığında ev versəydilər, gözü arxada qalmazdı. Yaşamağa ümidi artardı. Adam illərini sənətə, səhnəyə həsr edib. Amma zəhmətinin bəhrəsini görməyib. Ömrüboyu kirayələrdə qalmışıq. Bu da onun səhhətinə təsirini göstərdi, çəkdiyi əziyyətlər, stress, çətinliklər onu yatağa saldı”.
Ən Çox Oxunanlar
Yeni Xəbərlər
