Xərçəng metastazının qarşısı bu üsulla alınacaq
- 2018.05.08 14:23
- 11099 Baxış
Süd vəzi xərçəngi zamanı metastazın inkişafında başlıca rolu "AXL” zülalı oynayır. Kanadanın Monreal universitetinin alimləri belə bir nəticəyə gəlib.
Medicina.az oxu.az-a istinadən xəbər verir ki, bu barədə pres-reliz "MedicalXpress” jurnalında dərc olunub.
Araşdırmaya əsasən birləşmənin bloklanması müalicəsi olmayan ikinci dərəcəli şişlərin inkişafının qarşısını ala bilər.
Süd vəzi xərçənginin bəzi tiplərində "HER2” fermentinin yüksək fəallığı izlənilir. Bu aktivlik aqressiv şişlərin meydana gəlməsinə təsir göstərir.
Metastaz, yəni digər toxuma və orqanlarda formalaşan ikinci dərəcəli ocaqların inkişafı zamanı xəstəni müalicə etmək çox çətin olur. Metastaz süd vəzi xərçəngindən ölüm hallarının 90 faizinə cavabdehdir.
Alimlər müəyyən edib ki, "HER2” xərçəng hüceyrələrində olan "AXL” zülalının yüksək miqdarı onların ilkin şişdən ayrılaraq digər toxumalara yayılma ehtimalını artırır.
Bu birləşmənin aktivliyinin aşağı salınması isə pasiyentin sağ qalma şanslarını artırır. Alimlər əmin edir ki, "AXL”ə hədəflənən preparatlar orqanizmdə metastazın qarşını almağa kömək olacaq.
Ən Çox Oxunanlar
Yeni Xəbərlər
