Vulkan palçığı tərkibli kosmetikalardan istifadə edin - Dəriyə faydalı imiş...
- 2018.06.20 23:10
- 21373 Baxış
Vulkan palçığı tərkibli məhsullar ən effektli təbii kosmetik vasitələr sayılır.
Medicina.az azərtaca istinadən xəbər verir ki, dünyada 800 palçıq vulkanından 300-dən çoxu Azərbaycanda yerləşir. Təcrübə göstərir ki, son vaxtlar palçıqdan hazırlanan kosmetik vasitələr krem və yağları da üstələyir. Palçıq vulkanından hazırlanan kosmetik vasitələrin tərkibi çoxlu minerallar və kalsium, sink, manqan, gümüş, molibden kimi mikroelementlərlə zəngindir. Həmin maddələr dəriyə müalicəvi təsir göstərərək qan dövranını yaxşılaşdırır, dəridə geniş məsamələr əmələ gələndə onların kiçilməsinə və azalmasına səbəb olur.
Vulkan palçığından hazırlanan həmin məhsullar müxtəlif dəri problemlərinin həllində istifadə edilir. Kosmetoloqların fikrincə, ev şəraitində həftədə iki dəfə 15 dəqiqə ərzində həmin tərkibli məhsullardan istifadə etməklə yüksək nəticəyə nail olmaq mümkündür. Həmin məhsullar dəridə olan quruluq, yağlılıq, qırış və aknelərin qarşısını alır. Üstəlik, həmin palçıq həm də hipoallergen olduğuna görə allergik səpgilərin sakitləşməsinə də faydalı təsir göstərir.
Ən Çox Oxunanlar
Yeni Xəbərlər
