Volqa çayında normadan 40 dəfə çox marqans aşkarlandı
- 2023.06.05 14:39
- 2019 Baxış
Volqa çayında yüksək miqdarda marqans çirklənməsi qeydə alınıb.
“Medicina” xəbər verir ki, Rosprirodnadzorun idarə rəisi Svetlana Radionova Volqada marqansın icazə verilən maksimal konsentrasiyasının 40 dəfədən çox, ammonium ionlarının Don çayında 50 dəfədən çox artdığını açıqlayıb.
Onun sözlərinə görə, ötən il xidmət mütəxəssisləri Volqadan 3,5 min, Dondan isə 2,5 min nümunə götürüblər. Volqa çayının ekoloji vəziyyəti öyrənilərkən mənzil-kommunal təsərrüfat müəssisələrinin fəaliyyət göstərdiyi yerlərdə BOD5 (biokimyəvi oksigen tələbatı - red.) üzrə yol verilən maksimal qatqıların 65 dəfədən çox aşıldığı müəyyən edilib. Neft emalı zavodlarının fəaliyyət göstərdiyi yerdə marqans üçün 40 dəfədən çox icazə verilən konsentrasiya müəyyən edilib.
Donun ekoloji vəziyyətinin təhlili zamanı Dona axan kiçik çayların ağız hissələrində də ammonium ionları üçün miqdarın 50 dəfədən və ümumi dəmir üçün 20 dəfədən çox olduğu aşkarlanıb. 20 aprel 2023-cü il tarixindən etibarən Rosprirodnadzor Rusiyada su obyektlərinin geniş miqyaslı yoxlamasını davam etdirir.
Həmçinin İrtış, Don, Volqa, Anqara çaylarının ekoloji vəziyyəti araşdırılır.
Aygün Musayeva
Ən Çox Oxunanlar
Yeni Xəbərlər
