ÜST-dən qorxunc hesabat: milyonların ölümünə səbəb ola bilər
- 2022.10.24 12:26
- 2039 Baxış
Ümumdünya Səhiyyə Təşkilatının hesabatına görə, 2030-cu ilə qədər təxminən 500 milyon insan fiziki hərəkətsizlik səbəbindən infarkt, piylənmə və diabet kimi çox ciddi xəstəliklərlə qarşılaşacaq.
Bakupost.az bildirir ki, ÜST ilk dəfə olaraq hərəkətsizliyin təsirləri ilə bağlı qlobal hesabat hazırlayıb.
Hesabatda bildirilir ki, yetişkinlərin 80 faizindən çoxunun kifayət qədər fiziki fəaliyyəti yoxdur.
ÜST həmçinin, xəbərdarlıq edib ki, əgər hökumətlər təcili tədbirlər görməsə və insanları daha çox tədbir görməyə təşviq etməsə, yarım milyard insan infarkt, piylənmə, diabet və digər ciddi və ölümcül xəstəliklərlə üzləşəcək.
194 ölkədən alınan məlumatlara görə, hökumətlərin idman və hərəkəti təşviq etmək səyləri çox ləng gedir və gələcək illərdə səhiyyə xidmətləri böyük zərər çəkə bilər.
ÜST-nin baş katibi Tedros Adanom Qebreisus "İnsanları gəzməyə, idman etməyə və digər fiziki fəaliyyətlərə həvəsləndirmək üçün bizə daha çox ölkə lazımdır" deyə əlavə edib.
Ən Çox Oxunanlar
Yeni Xəbərlər
