ÜST-dən meymunçiçəyi ilə bağlı hamilələrə XƏBƏRDARLIQ
- 2022.07.04 16:44
- 2570 Baxış
Meymunçiçəyi virusu kabusunun sürətlə yayıldığı bir zamanda Ümumdünya Səhiyyə Təşkilatından xüsusilə hamilə qadınlarla bağlı əhəmiyyətli xəbərdarlıq gəlib. ÜST-ün açıqlamasında indiyə qədər dörd hamilə qadının xəstəliyə tutulduğu ilə bağlı məlumat verilir və eyni zamanda qripə bənzər əlamətlər göstərən şəxslərdən də uzaq durmaları tövsiyə olunur.
Medicina.az xəbər verir ki, Türkiyədə meymunçiçəyi virusu aşkar edildikdən sonra hamilə qadınlarda xəstəliyin necə irəlilədiyi maraqla qarşılanmağa başlayıb. Meymunçiçəyi virusu 50 ildən artıqdır məlum olan xəstəlik olsa da, son vaxtlar Afrikadan kənarda da müşahidə olunması ilə gündəmə gəlib.
2022-ci ilin may ayında Londonda aşkarlandıqdan sonra qısa müddətdə 50-dən çox ölkədə təxminən 3500 insana yoluxub və bir nəfər dünyasını dəyişib. Bu isə bütün dünyada yeni bir pandemiyanın başlana biləcəyinə dair narahatlıqlar yaradıb. ÜST bununla bağlı yüksək risk qrupunda olanlar barədə xəbərdarlıq edib ki, bu risk qrupuna həm də hamilələr daxildir.
Xəstəliyin əvvəlcə qripə bənzər əlamətlərlə özünü büruzə verdiyini deyən qadın xəstəlikləri və doğum üzrə mütəxəssis prof.dr. Faruk Buyru xəstəliyin əvvəlcə qızdırma, bel və əzələ ağrısı ilə özünü göstərdiyini qeyd edib.
“Xəstəlik daha sonra limfa düyünlərinin şişməsi, qaşınma və səpkilərin ortaya çıxması ilə davam edir. Xəstəlik iki-dörd həftə davam edir. İmmunitet sistemi ilə bağlı problemləri olanlar daha ağır keçirə bilirlər. Koronavirus kimi yoluxucu olmasa da, bəzi hallarda ölümcül ola bilər. Bu, təmas, bədəndən ifraz olunan maye, damcı və ya xəstə insanın istifadə etdiyi əşyalar, dəsmallar və s. ilə təmas yolu ilə ötürülə bilər. Xəstə heyvanlardan insanlara da keçmə ehtimalı var. İnsandan heyvana isə keçmir”, - deyə o bildirib.
Ən Çox Oxunanlar
Yeni Xəbərlər
