ÜST-dən kovidlə bağlı HƏYƏCAN TƏBİLİ
- 2021.11.12 16:17
- 1613 Baxış
Medicina.az xəbər verir ki, hesabata əsasən, 2021-ci ilin 1-7 noyabr həftəsi ərzində dünyada yoluxmalarda 1% artım müşahidə edilib və 3,1 milyondan bir qədər çox yeni yoluxma halı qeydə alınıb.
ÜST-nin Avropa Regional Ofisi isə əvvəlki həftə ilə müqayisədə son həftədə yoluxmaların 7% artdığını, digər regionlar üzrə isə azalma və ya sabit tendensiyaların olduğunu bildirib. Həmçinin Avropada ölümlərin 10% artdığı, digər bölgələrdə isə azalma olduğu qeyd olunub.
Qeyd edək ki, Ümumdünya Səhiyyə Təşkilatının (ÜST) Avropa regional direktoru Hans Kluqe keçən həftə verdiyi açıqlamada Avropada yoluxma hallarının artdığı barədə xəbərdarlıq etmişdi:
“COVID-19 yoluxmaları bir daha rekord səviyyələrə yaxınlaşır. Yenidən episentrdəyik. Bu gün Avropa və Mərkəzi Asiyada hər bir ölkə yeni dalğa təhlükəsi ilə üz-üzədir və ya artıq bununla mübarizə aparır. 53 ölkədə virusun hazırkı yayılma sürəti ciddi narahatlıq doğurur. “Delta” variantı Avropa və Mərkəzi Asiyada üstünlük təşkil etməyə davam edir”.
Ən Çox Oxunanlar
Yeni Xəbərlər
