“Uşaqlara verilən yuxu dərmanları ziyandır” - NEVROPATOLOQDAN XƏBƏRDARLIQ
- 2018.01.11 17:05
- 97866 Baxış
Hazırda demək olar ki, əksər uşaqlarda yuxu pozuntusu hallarına tez-tez rast gəlinir. Xüsusilə körpə və azyaşlı uşaqlarda bu, özünü daha çox büruzə verir. Hətta elə uşaqlar olur ki, gecələr oyaq qalır, oynayır, yeyir, içir, səhər açılanda isə yuxuya gedir və axşam saatlarına qədər yatır. Təbii ki, bu hal valideynlərə yaratdığı çətinliklə bərabər, uşaqların özlərinin sağlamlığına da ciddi şəkildə zərər verir. Çünki gecə yuxusu uşaqlar üçün xüsusilə əhəmiyyətlidir və böyümə hormonlarının ifrazı məhz gecə saatlarında daha çox baş verir.
Bəs görəsən niyə körpələr gecə ilə gündüzü səhv salır?
Bu problemlərin yaranma səbəbləri hansılardır?
Bu cür hallarda dərman preparatlarının qəbulu məqbuldurmu?
Medicina.az xəbər verir ki, mövzu ilə bağlı ailem.az-ın suallarını nevropatoloq Rima İbadova cavablandırıb.
Rima İbadova deyir ki, uşaqlarda yuxu ilə bağlı problemlər çox zaman ortaya çıxır. Hətta onlara edilən müraciətlərin 80-90 faizi uşaqlarda yuxu problemi ilə bağlı olur: "Çox zaman onlar normal inkişaf edən uşaqlardır. Sadəcə uşağın yuxusu yoxdur deyə gəlirlər. Belə hallarda valideynlərə yuxu rejimini normallaşdırmaq üçün müəyyən qaydalar tətbiq etmələrini tövsiyə edirik. Bu, zamanla düzəlir. Digər halda isə qısa müddətli dərman müalicəsindən istifadə edirik. Qeyd edim ki, yeni doğulma dönəmindən iki yaşa qədər olan uşaqlarda gecə yuxusu kəsintilərində uşaqların Non-REM və REM yuxu fazaları hələ tam formalaşmadığına görə bir çox hallarda normal dəyərləndirilir. Bəzən uşaq gecə yatmır, gündüz yatır, yuxuda kəsintilər olur. Bu zaman bəzi valideynlər yanlışlığa yol verirlər. Uşaqda hər hansı yuxu pozuqluğu hiss edən kimi bəzi dərmanlardan istifadə etməyə tələsirlər. Bu, səhv yanaşmadır. Əgər yuxu probleminin altında başqa bir orqanik səbəb yoxdursa, 3 yaşa qədər uşaqlara bu cür dərmanlar verilməməlidir. Hətta bitki tərkibli olsa belə, uşaqlara yuxu problemini aradan qaldırmaq üçün dərman vasitələrinin verilməsi tövsiyə edilmir”.
Yuxuda olan hərəkət pozuntularına diqqət
Həkimin sözlərinə görə, uşağın yuxusunda olan hərəkət pozuntularına istənilən halda diqqətlə yanaşmaq lazımdır: "Uşağın yuxuya çətin getməsi, yuxuda tez-tez hərəkət və pozisiya dəyişikliklərinin olması, ağızla nəfəs alma, enurez - gecə yataq islatma kimi hallara diqqət edilməlidir. Həmçinin gecə diş qıcırdatmalar, bruksizm dediyimiz hallara da. Bəzən bunu qurdla əlaqələndirilir. Amma bu əlamətin qurdla heç bir əlaqəsi yoxdur. Həmçinin gecə yuxuda gəzmələr, gecə yuxuda qorxmalar, sayıqlamaların olması, səhər ağız quruluğu ilə yuxudan oyanma, səhər yuxudan çətin oyanma, gün ərzində uşağın yorğun, yuxulu olması hamısı yuxu problemlərindən xəbər verə bilər. Bu problemlər parasomni dediyimiz yuxu xəstəliklərindən, eyni zamanda, ağır orqanik problemlərdən də xəbər verə bilər”.
Nevropatoloq xəbərdarlıq edir ki, bir sıra epileptik sindromlar, yuxuda nitq problemləri ilə gedən bir sıra kompleks tutmalar, bəzi xoşxassəli epilepsiya sindromları və bir sıra sindromlar yuxu problemləri, yuxuda hərəkət və nitq problemləri kimi özünü göstərə bilir: "Bir sıra pediatrik sindromlar da gecə yuxuları narahatçılığı ilə özünü göstərə bilər. Ona görə də bu və ya digər dərəcədə yuxu problemi hiss etdiyiniz zaman mütləq şəkildə videoya alınmalı və həkiminiz tərəfindən dəyərləndirilməli, doğru diaqnoz qoyulduqdan sonra müvafiq müalicəyə başlanılıb-başlanılmamasına qərar verilməlidir”.
Uşaqlar valideynləri ilə bərabər gec saatlara qədər yatmır
R.İbadova nisbətən böyük yaşlı uşaqlarda yuxu pozuntularının yaranma səbəblərinə də aydınlıq gətirib. O deyir ki, bu, daha çox məktəb yaşlı uşaqların telefonlardan, digər elektronik vasitələrdən istifadəsi ilə əlaqələndirilir: "Uşaqlar çox gec yatırlar və gec oyanırlar. Bu, doğru deyil. Xüsusən də orqanizmin normal fiziki aktivliyini bərpa etmək üçün gecə yuxusu vacibdir. Çünki uşaqlarda boy hormonu gecələr daha çox ifraz olunur.
Əksərən bu, valideynləri ilə bərabər gec saatlara qədər yatmayan uşaqlarda rast gəlinir. Əgər problem bundan qaynaqlanırsa, ilk növbədə, rejimi normallaşdırmaq lazımdır. Çox zaman uşaqlar bağçaya gedəndə valideynlər deyir ki, uşağın rejimi düzəldi. Çünki səhər saat 8-də dururlar, günorta normal yuxularını yatırlar, axşam da gələndə normal zamanında yatırlar. Amma ev şəraitində uşaqlar valideynlərlə bərabər gec saatlara qədər oyaq qalır, səhər də günortaya qədər yatırlar. Hətta onları saat 1-də, 2-də güclə oyadırlar. Yəni valideyn özü buna şərait yaradır. Belə olan halda əlbəttə ki, uşaqların normal yuxu rejimi formalaşmayacaq”.
Yuxu problemi iki həftədən çox davam edərsə...
Mütəxəssis məsləhət görür ki, uşağın yuxusu gəlməyəndə rahatlaşdırıcı vannalardan istifadə etsinlər, duş qəbulu, təmiz hava da buna çox kömək edər: "Xüsusi diqqət etmək lazımdır ki, yuxu gəlmədiyi müddətcə yataqdan oyun yeri kimi istifadə olunmasın. Yataq oyun yeri deyil və uşaq həmin yerin yatmaq üçün olduğunu bilməlidir. O cümlədən yataq rahat və yumşaq olmalıdır, yataq otağında televizor olmamalıdır. Otağın havasını tez-tez dəyişmək lazımdır, bu, çox vacibdir. Uşaq yatmazdan qabaq ona ağır qidalar verməyin. Göstərilən bu hallarla yuxu rejimini tədricən normallaşdırmaq olar. Bunlara rəğmən yuxu problemi iki həftədən çox davam edərsə, o zaman dərman vasitələri ilə kömək etmək olar”.
Nevropatoloq bildirir ki, ana südü ilə qidalandığı dönəmdə uşaq anası ilə bərabər yata bilərlər: "Çünki ana tez-tez süd verməli olduğu üçün hər dəqiqə yatağından gedib uşağı götürməsi bir az çətinlik yaradır. Amma ümumi baxımdan uşaqlar valideynlərindən ayrı yatmağa nə qədər tez öyrəşdirilsə, bir o qədər yaxşıdır”.
Ən Çox Oxunanlar
Yeni Xəbərlər
Menim usagim 1 yas 10 ayliqdir cox gec yuxuya kecir seherleride ele yatmir men mecbur edib yatizdirmasam gunlerle yatmaz cox nervili usaqdir mence psixaloji prablemleri var 1 yas 2 ayliq olan vaxtda hekime aparmisdiq dediki nervileri oyaqdir derman yazdi bir muddetlik duzeldi indi 4 5 olar ki yene eynidir
Oglum 3yas 8aylıqdı uzun muddetdı gece gec yatır en tex yatdıgı saat 1ya 2dı..8de durur seher bagcaya gedır orda gunorta 1saat yarım yatır
Salam körpə 5 aylıgdı gunduz tez tez yatir tez tez oyanir ana sudu yoxdu suni qida verirem nutrilak onuda 5 qasig gundə 1 2 defe tik tikə zorla yedirdirəm gecə saat 1 də 2 də yatir saat 6 ya kimi durub 6 7 qasiq duzəldib verirəm yeyir birdə saat 12 də durur yuxu və yeməyi ucun nə edə bilərəm?
Das basiva dussun hekim.olan yerde.bu qede millet yazib ,birine cavab yaz hec olmasa,derderine derman olsun
Nigar.bunun caresi ozumdedir
Salam menim Qizim 1 yas 3 ayliqdi geceler yatmir 10 da yatir axsam gece 1de durur taki sehere qeder ne etsem yuxu rejimi duzeler gunduz 1 defe yatir
Həkim salam usaq 1yas 9 ayliqdi. yatarkən yellənərek yatmaga oyrənib. Saat 12 də 1 də yatr gecedə durub aglayir ki yellə. Yelləməsək yatmur aglayir sora yuxusu qacir day səhərədək oyaq qalir onun rejimini normallasdirmaq ucun hansi yuxu dərmani istifadə edə bilərəm. Hec bir problemi yoxdu yuxusuzluqdan basqa.
Mənim 8 aylıq qızım var gündüz sadəcə 1defe yatır oda yarimsaat hətta daha az gecə ise yatmır yatanda çox tez tez oyanır 2-3 dəqiqədən bir oyanır bunun üçün nə edə bilərəm?
Salam həkim mənim 9 yaşında qızım var mekteblidir artıq bir ildir normal yuxu yatmır deyir sən yatma mənə bax uzanma birdən yatarsan yada gel mənimlə birlikdə yat amma əvvəllər normal yatırdı bir ildi bu baş verib artıq bezmişəm kim nə deyir onu edirəm amma düzəlmir mən edim xahiş edirəm mənə cavab yazın çox sağolun
Salam həkim mənim qızım 9 aylıqdır və gecələr çox çox gec yatır3_4_5 araları yatır. Mən nə edim yuxu rejimi düzəlsin çox xahiş edirəm mənə bu barədə məsləhət verərdiz ????????????????????
Salam. Menim oglumun 1 yasi var. 1 ildi yuxusuzam sud verirem geceler cox tez tez durur derman vermek olarmi?
Salam . Korpem 4 ayliqdir . Gunduzler sadec 1 defe yatir o da uzagi yarim saat ve ya 1 saat . Gece de 2 saat yatir vessalam sonra yatmir . Ayaqlarini hereket etdirerek qaldirib endirerek oyanir ve 5 deqiqelik yuxuya gedir sonra yene bele sehere kimi davam edir . Ne ede bilerem?