Uçuq zamanı istifadə edilən təbii üsullar
- 2019.02.11 10:33
- 7151 Baxış
Herpes kimi tanınan və bədəndə uçuqlara səbəb olan virus müalicə olunduqda belə orqanizmdən tamamilə təmizlənmir və sinir hüceyrələrində yaşayır.
Medicina.az sizə ev şəraitində uçuğun aradan qaldırılmasının yollarını açıqlayır:
Sarımsaq
Sarımsaq, güçlü bir təbii bakteriya əleyhinə xüsusiyyətə malikdir və uçuq zamanı yaxşı təsir göstərir. Dodaqlarınızda qıcıqlanma hiss etdiyiniz zaman sarımsağı kəsərək həmin nahiyəyə sürtün. Tez bir zamanda müsbət effekt əldə edəcəksiniz.
Aloe vera
Aloe vera bakteriya əleyhinə bir tərkibə malikdir və bir çox infeksiyaların qarşısını alır. Bu bitki eyni zamanda ağrı və narahatlığı aradan qaldırır və sağalmanı sürətləndirir.
Uçucu yağlar
Nanə və çay ağacı efir yağları antiviral, antibakterial və antiseptik xüsusiyyətləri ilə tanınır və bəzi araşdırmalar bu yağların erkən mərhələlərdə tətbiq edildikdə yaraların əmələ gəlməsinin qarşısını aldığını göstərir.
C vitamini
Herpes zamanı immunitetin güçləndirilməsi çox vacibdir. C vitamini də yaxşı bir antioksidant və immunitet gücləndiricisi kimi tanınır.
E Vitamini
E Vitamini zədələnmiş dəri hüceyrələrinin yenilənməsinə və böyüməsinə kömək edir. Bunu əldə etməyin iki üsulu var: E vitaminini zədəli dəriyə birbaşa tətbiq edə ya da tərkibində yüksək miqdarda E vitamini olan qidalar istifadə də bilərsiniz.
Arzu
Medicina.az
Ən Çox Oxunanlar
Yeni Xəbərlər
