Tualetə “yalançı” çağırışlar – Xərçəngin gizli simptomu
- 2025.04.12 20:53
- 219 Baxış
Bağırsaq xərçənginin az bilinən daha bir simptomu açıqlanıb.
“Medicina” xəbər verir ki, bitməyən tualetə getmək istəyi kolorektal xərçəngin əlaməti ola bilər.
Cərrah Alasdair Scott az məlum olan simptomhaqqında danışıb.
“Tualetə getmək üçün yalançı çağırışlara tenesmus deyilir. Əgər onlar varsa, bir mütəxəssislə məsləhətləşməlisiniz. Bu, xüsusilə 50 yaşdan yuxarı insanlar üçün aktualdır”. O əlavə edib ki, son illərin statistik göstəriciləri gənclər arasında da kolorektal xərçəngə yoluxma hallarının artdığını göstərir.
Skottun sözlərinə görə, xərçəngin başqa bir ümumi simptomu nəcisin konsistensiyasında dəyişiklikdir.
Cərrah aydınlaşdırdı ki, bağırsaq xərçənginin əksər hallarda nəcis duru olur, lakin qəbizlik də mümkündür. Bundan əlavə, o, əlavə edib ki, nəcisdə selik və qanın olması xəstəliyin inkişafından xəbər verə bilər.
"Əslində, anusdan qanaxma o qədər də tez-tez rast gəlinmir. Əksər hallarda bu, xərçəngdən qaynaqlanmır. Bununla belə, kolorektal xərçəngi olan xəstələrin yarısında bu əlamət müşahidə olunub”.
Cərrah əlavə etdi ki, bağırsaq xərçəngi çox vaxt uzun müddət gizli olaraq qalır. Buna görə də onu erkən mərhələdə aşkar etmək üçün bağırsaqların fəaliyyətində hər hansı dəyişikliyə diqqət yetirməyi, həmçinin 40 yaşdan sonra skrininqdən keçməyi tövsiyə edib.
Aygün Musayeva
Ən Çox Oxunanlar
Yeni Xəbərlər
