Toyuq ətini yuyub bişirmək təhlükəlidir – Alimlərdən qərar
- 2023.01.18 18:58
- 4058 Baxış
ABŞ Kənd təsərrüfatı nazirliyi Şimali Karolina universiteti ilə birgə eksperiment aparıb.
Bakupost.az xəbər verir ki, onlar toyuq ətinin bişirilməzdən əvvək yuyulmasının riskli olduğu nəticəsinə gəlib.
Nəyə görə toyuğu yumaq olmaz?
Bu onunla elmi izah olunur ki, çiy quş ətində salmonella, kampilobakteri və klostridiya ola bilər.
Bu mikroblar yalnız qaynar suda müəyyən temperaturda bişdikdə məhv olur.
Çiy quş ətini qaynatmadan öncə kran altında, başqa qablarda, yalın əllə yumaq əksinə o bakteriyaları ətrafa sıçradır.
Beləliklə, ikincili qida çirklənməsi və zəhərlənməsi baş verə bilər.
Hətta toyuğu yuduqdan sonra ən ciddi təmizlik, dezinfeksiya belə o mikroorqanizmləri aradan aparmır.
Təcrübədə 300 könüllü toyuq budundan yemək hazırlayıb.
Onlar 2 qrupa bölünüb. Biri quş ətini təhlükəsiz şəkildə, qaydalara əməl etməklə hazırlayıb, digəri isə özləri bildikləri şəkildə, əti yuyaraq bişirib.
Nəticədə toyuğu yuyaraq hazırlayan iştirakçıların həmin mətbəxdə hazırladığı salatfa bakteriyalar aşkarlanıb.
Bakteriyalar həm mətbəx taxtasına, həm digər tərəvəzlərə sıçrayır.
Eləcə də toyuğu yuyarkən su ilə insan bədəninə hopur.
Qida təhlükəsizliyini qorumaq üçün istənilən quş ətini yumadan qazanda isti suda bir az bişirib, sonradan o suyu süzüb, yeməyi hazırlayın.
Aygün Musayeva
BakuPost
Ən Çox Oxunanlar
Yeni Xəbərlər
