Təcili tibbi yardım qəzaya uğradı - Həkimlər yaralandı
- 2024.11.08 16:58
- 86 Baxış
Noyabrın 6-da saat 15 radələrində Qusar rayonunda baş verən yol-nəqliyyat hadisəsi nəticəsində xəsarət alan 3 təcili tibbi yardım işçisi Qusar Rayon Mərkəzi Xəstəxanasına yerləşdirilib.
"Medicina" xəbər verir ki, TƏBİB məlumatına görə, avtomobilin sürücüsü olan 1980-ci il təvəllüdlü şəxsə (kişi cinsi) döş qəfəsi və bel nahiyəsinin əzilməsi, 1983-cü il təvəllüdlü tibb bacısı və 1988-ci il təvəllüdlü feldşerə (qadın cinsli) isə qapalı kəllə-beyin travması diaqnozları təyin olunub.
Yaralılara zəruri ilkin tibbi yardım göstərilib və Cərrahiyyə şöbəsinə yerləşdiriliblər. Hazırda stasionar şəraitdə müalicələri davam etdirilir və vəziyyətləri orta-ağır stabil olaraq qiymətləndirilir.
Ən Çox Oxunanlar
Yeni Xəbərlər
