Super bakteriyalara qarşı yeni antibiotik kəşf edildi
- 2024.07.26 15:00
- 1391 Baxış
Çikaqodakı İllinoys Universitetinin alimləri iki fərqli hüceyrə hədəfini məhv etməklə işləyən, bakteriyaların müqavimət göstərməsini 100 milyon dəfə çətinləşdirən və onların super bakteriyalara çevrilməsinin qarşısını alan yeni antibiotik kəşf ediblər.
Medicina.az xəbər verir ki, araşdırmanın nəticələri “Nature Chemical Biology” jurnalında dərc olunub.
Makrolonlar adlanan yeni sintetik dərmanlar sinfi iki sinif antibiotikin - makrolidlər və ftorxinolonlar - təsirini müxtəlif təsir mexanizmləri ilə birləşdirir.
Birincisi zülal sintezinin baş verdiyi ribosomların fəaliyyətini bloklayır, ikincisi isə DNT giraz adlı bakteriyaya xas fermenti hədəf alır.
Tədqiqatçılar müxtəlif makrolon dərmanlarının ribosom və DNT girazı ilə necə qarşılıqlı əlaqədə olduğunu yoxlamaq üçün təcrübələr aparıblar.
Məlum olub ki, makrolonlar ribosoma ənənəvi makrolidlərdən daha möhkəm bağlanır və makrolidlərə davamlı bakteriya ştammlarının ribosomlarını bloklaya bilir.
Ən perspektivli namizəd ən aşağı dozada ribosomları və DNT girazını hədəfləməkdə eyni dərəcədə təsirli olan bir dərman olub. Bu, bakteriyaların antibiotikə qarşı sadə müdafiə mexanizmlərini inkişaf etdirməsini faktiki olaraq qeyri-mümkün edir.
Aysel
Ən Çox Oxunanlar
Yeni Xəbərlər
