Sosial şəbəkələrdə koronavirusla bağlı səs yayanlar cəzalandırılacaq -- DİN-dən XƏBƏRDARLIQ
- 2020.02.24 16:21
- 2000 Baxış
Sosial şəbəkələrdə Azərbaycanda koronavirusa yoluxmuş insanların Bakıdakı Mərkəzi Klinik Xəstəxanaya yerləşdirildiyi barədə məlumat yayan şəxsin kimliyi hələ ki, araşdırılır.
Medicina.az xəbər verir ki, Daxili İşlər Nazirliyinin (DİN) mətbuat xidmətinin rəisi Ehsan Zahidov bildirib ki, səsi yayanların kimliyinin araşdırılması ilə bağlı tədbirlər davam etdirilir, nəticə olanda ictimaiyyətə məlumat veriləcək: “Bu məsələ ilə bağlı bütün dövlət qurumları tərəfindən tədbirlər aparılır. Əhali arasında çaşqınlıq yaradan, vahimə yaratmaq istəyənlərlə bağlı lazımi tədbirlər aparılır. Səsi yayanların kimliyini tapmaq mümkündür və bununla bağlı işlər aparılır. Əhalinin narahatlığına heç bir əsas yoxdur”.
E.Zahidov səsi yayan şəxsin tapılması və ona xəbərdarlıq edilməsi ilə bağlı mətbuatda xəbərlərin getməsinə də münasibət bildirib: “Bizim tərəfimizdən səsi yayanın saxlanılması halı olmayıb. Bəlkə başqa qurumlar tərəfindən müəyyən olunub”.(lent.az)
Ən Çox Oxunanlar
Yeni Xəbərlər
