Sosial şəbəkələr kimlər üçün təhlükəlidir?
- 2025.03.19 15:57
- 154 Baxış
Sosial media psixi xəstəliyi olan insanlar üçün təhlükəlidir.
“Medicina” xəbər verir ki, Kanadalı tədqiqatçılar sosial şəbəkələrdən aktiv istifadə psixi pozğunluqların təzahürlərini, o cümlədən aldadıcı fikirlər və özünü qavrayış pozğunluqlarını artıra biləcəyini sübut ediblər.
Sosial media çoxdan gündəlik həyatın bir hissəsi olub, lakin yeni araşdırmada alimlər müəyyən ediblər ki, psixi pozğunluğu olan insanlarda onlar özləri və ətrafdakı dünya haqqında təhrif olunmuş fikirlərin inkişafına və möhkəmlənməsinə səbəb ola bilirlər.
Tədqiqatçılar öz işlərində 2004-2022-ci illər arasında dərc olunmuş 155 elmi məqalənin məlumatlarını təhlil edərək yeni konsepsiya hazırlayıblar.
Məlum olub ki, sosial media ən çox narsisistik şəxsiyyət pozğunluğu, dismorfofobiya (bədənin təhrif olunmuş qavrayışı), qidalanma pozğunluğu, şizofreniya və bipolyar pozğunluq kimi psixotik pozğunluqları olan insanlara daha çox təsir edir.
Məsələn, narsist insanlar daha çox selfilər yerləşdirir və onların əhəmiyyətini təsdiqləmək üçün bəyənmə və izləyicilərin sayına güvənirlər.
Bədən dismorfik pozğunluğu olan insanlar üçün sosial media onların xarici görünüşlərinin başqaları ilə davamlı müqayisəsinə səbəb olur və bədənləri haqqında mənfi fikirləri artırır, nəticədə kosmetoloq və plastik cərrahların qəbuluna gedirlər.
Alimlər həmçinin aşkar ediblər ki, şizofreniya xəstələrində sosial media izlənilmək və ya fikirlərinin onlayn yayımlandığına dair paranoyya kimi aldatmalara səbəb ola bilər. Erotomaniya vəziyyətində (məşhur bir insanın məhəbbət obyekti olması ilə bağlı aldatma) sosial mediada məşhurları izləmək bacarığı şəxsi münasibət illüziyasını yaradır və bu, obsesif davranışı gücləndirir.
Sosial media, aldadıcı fikirlərin daha asan formalaşdığı və gücləndirildiyi şərait yaradır.
Tədqiqatçılar vurğulayıblar ki, sosial medianın psixi pozğunluqların inkişafına səbəb olduğuna dair hələlik birbaşa sübut yoxdur, lakin onların istifadəsi ilə simptomların pisləşməsi arasında əlaqə göz qabağındadır.
Aygün Musayeva
Ən Çox Oxunanlar
Yeni Xəbərlər
