Şorbadan siçan çıxdı - Məşhur fast food markasında qalmaqal
- 2025.04.05 00:03
- 78 Baxış
Yaponiyanın məşhur fast food şəbəkəsinin yeməklərində tapılanlar heyrətə səbəb olub. 2 min filialının bağlanmasına qərar verilən fast food şəbəkəsi gündəmə bomba kimi düşüb.
Medicina.az xəbər verir ki, Yaponiyada yerləşən məşhur fast food şəbəkəsi Sukiya-nın yeməklərində həşərat və gəmiricilər aşkar edilib. Reuters-də yer alan xəbərə görə, mal əti qabları ilə tanınan və Yaponiya daxilində 2 minə yaxın şöbəsi olan fast food şəbəkəsinin bağlanması qərarı verilib.
Sukiya restoranlar şəbəkəsi gigiyena qalmaqalları səbəbilə gündəmdə böyük səs-küyə səbəb olub.
Şirkət bəzi filiallarda yeməklərdə gəmiricilər və həşəratlar göründükdən sonra ölkə daxilindəki əksər mağazalarını 4 gün müddətinə bağlayacağını açıqlayıb.
Şorbadan SİÇAN ÇIXDI!
Gigiyena qalmaqallarını gündəmə gətirən hadisələrdən birincisi yanvar ayında Yaponiyanın qərbindəki Sukiya filialında baş verib.
Müştərinin miso şorbasında siçan parçasının fərqinə varması ilə şirkət ictimaiyyətdən üzr istəyib. Ötən cümə günü ikinci gigiyena qalmaqalı Tokio yaxınlığındakı başqa bir filialda təqdim edilən məhsulda həşəratların görünməsi ilə başlayıb.
RESTORANLAR BAĞLANIR!
Bu iki qalmaqaldan sonra Sukiya daha çox problemlərin qarşısını almaq və ətraflı gigiyenik yoxlamalar aparmaq üçün ticarət mərkəzlərindəki bir neçə restoran istisna olmaqla, Yaponiyadakı bütün mağazalarını martın 31-i səhərindən aprelin 4-ü səhərə kimi bağlamaq qərarına gəlib.
Şirkətdən verilən açıqlamada "Bu vəziyyət bizim üçün son dərəcə ciddidir. Bütün müştərilərimizdən səmimi qəlbdən üzr istəyirik" deyilir.
Aygün
Medicina.az3
Ən Çox Oxunanlar
Yeni Xəbərlər
