Sizdə vitamin çatışmadığını göstərən 7 əlamət – Avitaminoz nədir?
- 2019.11.28 22:03
- 20918 Baxış
Avitaminoz orqanizm orqan və sistemləri üçün həyati əhəmiyyətli olan vitamin və mineralların insanda lazım olan normadan çox aşağı olması deməkdir.
Azərbaycanda avitaminoz yüksək həddədir.
Medicina.az özünüzdə vitamin defisiti olub –olmamasını təyin etmək üçün 7 vacib əlaməti təqdim edir:
1.Dırnaq, saçlar, dişlər zəifdir, qırılır
Orqanizmdə kalsium, D vitamini, B 7 vitamini əskikdir. Hamilələrdə, südverənlərdə, uzun müddət xəstəlik keçirənlərdə, siqaret çəkənlərdə çox rast gəlinir.
2.Dildə yara, ağız kənarında ağrılı çatlar, yaralar
Sizdə göbələk infeksiyası çoxdur, bu da dəmir defisiti, qanazlığı, B qrup vitamini əskikliyindən olur
3.Damaq, diş dibləri qanayır
C vitamini azdır, xüsusən uşaq və gənclərdə. Yaxşı qidalanmadıqda, meyvə, tərəvəz yemədikdə olur.
4.Gecə korluğu
Buna toyuq korluğu da deyilir. Gündüzlər normal görsəniz də, gecə heç ayağınızın altını görməz olursuz. Qaranlıqda ümumiyyətlə heç nə sezmirsiz. Bu A vitamini əskikliyidir. Aradan qaldırmasaz, buynuz qişa sıradan çıxa bilər.
5.Başda kəpək, qaşınma, dermatit, seboreya
Orqanizmdə kompleks şəklində vitamin, element çatışmadıqda yaranır. B2, B1, B3, B6, sink, dəmir və s. azdır.
6.Narahat ayaqlar sindromu
Ayaqlardakı sızıltı, ağrı, qəribə hisdən gecələr yata bilmirsiz, ayaqlarınız öz-özünə hərəkət edir, bir yerdə dayanmır. Qanda dəmir, D vitamini, kalsium, maqnezium çatışmır.
7.Səbəbsiz təşviş, əsəb, həyəcan, depressiya
Nevroloji problemdir kimi qəbul olunur, amma fol turşusu, B qrup vitamini, B 6, D vitamin əskikliyində insanın sinir sistemi tar-mar olur.
Ən Çox Oxunanlar
Yeni Xəbərlər
Məqalənizin çox faydalı və öyrədici olduğunu düşünürəm, bəzi simptomları öncədən sezib qabaqlayıcı tədbirlər görməklə gələcəkdə yarana biləcək böyük fəsadların qarşısını almaq olar. Təşəkkür edirəm