Sirkə turşusu içən qadın xilas edildi
- 2023.06.05 15:37
- 1185 Baxış
Kliniki Tibbi Mərkəzə (KTM) sirkə turşusu zəhərlənməsi ilə müraciət edən, vəziyyəti ağır olan xəstənin həyatı xilas edilib.
"Medicina" xəbər verir ki, 1985-ci il təvəllüdlü şəxs 13 may tarixində fəsadlaşmış qanaxma, mədə bağırsaq qanaması, hemoliz, kəskin böyrək çatışmazlığı diaqnozu ilə TƏBİB-in tabeliyindəki Kliniki Tibbi Mərkəzin Toksikologiya şöbəsinə yerləşdirilib.
Kəskin böyrək çatışmazlığı olan xəstəyə müalicə müddəti ərzində dializ də aparılıb. Ümumilikdə bir neçə ixtisas həkiminin nəzarətində olan xəstəni həyata qaytarmaq mümkün olub.
Hazırda xəstənin vəziyyəti stabil olduğu üçün sahə həkiminin nəzarətində evə buraxılıb.
Məlumat üçün bildirək ki, sirkə turşusu qəbul edən şəxsdə kimyəvi reaksiya yarandığı üçün bütün selikli qişalar və orqanlara ciddi ziyan dəyir. Həmçinin böyük bir maye və qan itkisinə səbəb olur. Buna görə güclü bir ağrı sindromu baş qaldırır.
Sirkə və ya digər maddələrdən zəhərlənmə baş verdiyi halda təcili yardım çağırmaq və ya tibb müəssisəsinə müraciət etmək vacibdir.
Aygün Musayeva
Ən Çox Oxunanlar
Yeni Xəbərlər
Sirkə turşusu ilə zəhərlənmə elə bir dəhşətli haldır ki, bundan sağalan adamlar həftələr və aylar ərzində əzab çəkir, hətta ölmədiklərinə görə təəssüflənirlər. Bu zəhərlənmədən sağalma isə xəstənin həyat keyfiyyətinin tam bərpası ilə nəticələnmir. Zəhərlənməyə səbəb ərzaq satışı müəssisələrində açıq satışda olan 70 faizli sirkə turşusudur. İndiki dövrdə postsovet məkanından başqa heç bir ölkədə əhaliyə sirkə turşusunun belə qatı məhlulu sərbəst şəkildə satılmır. Əksər ölkələrdə bu turşu məişətdə istfadə məqsədilə 9 faizli məhlul şəklində istifadə edilir. Bizdə vaxtilə 70 faizli məhlulun səhvən içki kimi qəbul edilməməsi üçün əvvəllər tam fərqli qablaşdırmada buraxılırdı. İndı qablaşdırma üçün adi butulkadan istifadə edildiyinə görə, bu maddənin səhvən qəbul edilməsi halları daha da arta bilər. İntihar məqsədilə sirkə turşusu qəbul etmək isə intiharın ən qəddar formasıdır. Bunlara görə ölkədə 70 faizli sirkə turşusunun istehsalına və satışına son qoyulmalıdır.