Sidikdə köpük təhlükəlidir, yoxsa? – Uroloqdan məsləhətlər
- 2018.08.20 18:49
- 155299 Baxış
Elə insan yoxdur ki, ömründə bir neçə dəfə sidiyində köpük görməsin. Elə adam var buna əhəmiyyət vermir, eləsi də var qorxur. Əgər hər sidiyə getdikdə çox köpük varsa və bu 1 həftədən artıq davam edirsə, şübhələnməyə dəyər.
Adətən insan uzun yoldan gəldikdə, sidiyini xeyli müddət saxladıqda, qaçaraq tualetdə çatanda sidik kanalından yüksək axınla sidik gələndə köpüklənmə baş verir. Bu köpük qısa müddətdə itir.
Sidikdə köpüyün hansı xəstəliklərin səbəbi ola biləcəyini isə medicina.az saytına uroloq-androloq Seymur Mehtiyev açıqladı:
" Əgər sidikdə köpüklə yanaşı bədənin müxtəlif nahiyələrinin-əl, ayaq, qarının şişməsi, iştahın kəsilməsi, yorğunluq, ürəkbulanma, beldə ağrılar, sutkalıq sidik miqdarının azalması və ya artması, sidiyin rənginin dəyişməsi, kişilərdə cinsi problemlər də eyni vaxtda müşahidə olunursa, o zaman uroloqa müraciət etməyi yubatmaq olmaz.
İlk növbədə bədənin susuzlaşmasını inkar etmək lazımdır. Əgər sidikdə köpüklənmə və rəngi tünd-qəhvəyidirsə, bu su çatışmazlığının əlamətidir. Böyrəklər həddən artıq çox sidik ifraz edir, orqanizm maye itirir. Bu zaman sidikdə duzlar çoxlalır, bu da köpüklənmə verir. Problem sutkalıq təbii su, maye qəbulunun artırılması, 2 litrə çatdırılması ilə həll oluna bilər.
Stabil, itməyən köpük və normal sidik rəngi proteinuriyanın əlamətidir. Bu o deməkdir ki, sidikdə zülal normadan çoxdur. Bəs sidikdə niyə zülal çoxalıb? Bu o deməkdir ki, böyrəklərin süzücülüyü pozulub, albumin molekulları sidiyə keçir, burda artıq böyrəklər ciddi yoxlanmalıdır.
Bəzən isə müvəqqəti proteinuriya baş verir: stress, yorğunluq, ağır iş, bədənin soyuması, temperatur dəyişikliyi, bəzi infeksion xəstəliklərdə sidiyə zülal keçir. Lakin insanın ümumi vəziyyəti stabilləşən kimi bu problem aradan qalxır.
Statik proteinuriya isə şəkərli diabet, hipertoniya və böyrək xəstəliklərdə-sidik yollarının infeksiyası,prostat və s. baş verir.
Əgər xəstədə analiz və müayinələr zamanı elə də ciddi pozulmalar aşkarlanmayıbsa, o zaman irsi, genetik səbəb araşdırılır. Ailədə, nəsidldə diabet və uroloji xəstəliklərin olub-olmaması soruşulur. Ola bilər xəstə diabet önü mərhələdədir”.
Həkim yalnız kişilərdə rast gəlinən retroqrad eakulyasiya barədə də məlumat verərək, bu zaman da sidikdə köpüklənmə olduğunu bildirdi.
"Kişilərdə cinsi əlaqədən sonra sperma tamamilə penisdən çıxmadığı zaman o sidik kanalına qayıdır və sidiyə qarışır. Bu nadir patologiyadır, elə də ciddi problem yaratmır. Daha çox prostat, diabet, sidik kanalında əməliyyat olan insanlarda rast gəlinir.
Gənc kişilərdə bu patologiya sonsuzluğa da səbəb olur.
Həmçinin bəzi dərman preparatlarının qəbulu da sidikdə köpüklənmə yaradır. Xüsusən infeksiyalar əleyhinə dərmanlar, analgetiklər bu təsirə malikdir. Bu zaman həkimlə məsləhətləşib dərmanı dəyişmək olar.
Müayinə üçün sidiyin analizi və uroloji USM aparılır”.
Sidiyin köpüklənməsi 1 həftədən artıq davam edərsə və yanaşı başqa uroloji simptomlar da hiss edərsizsə, həkimə getməyi təxirə salmayın.
Ən Çox Oxunanlar
Yeni Xəbərlər
salam doktor məndə sidiyin gəldiyini hiss etmirəm ancaq boyrəklərimdə agri sanki boyrəyim dasirmis kimi hiss edirəm urəyim bulanmaq istəyir ,o zaman sidiyə gedirəm
Şeker xestesiyem xesdelikden ola biler
Salam necesiz menim su yolunda kopukludu herdefe su uoluna cixanda buna rast gelirem hemde ayaxlarimda wiwde var ve tezigim normadan yuksek olur
Yoldaşım 10gündür ki köpüklü sidiy problemi yaşayır nə kkmi problem ola bilər qida ilə əlaqəsi var doktur?
Salam Doktor men 10 günden coxdu ki köpüklu siyirem amma ürüyimde stent var ondan ola bilermi. Yaşim 65 dir.Zehmet olmasa bir meslehet verrin.
Salam mende Arada olur kopuklu sidik analiz vermeyede qorxuramki diabet olaram
Tez tez sidiyə çıxmaq
Baki
Baki
Birşey deydiz az az agriyir boyekleeimde
Sidikdə çirk az az olursa