Sellülitin 4 mərhələsi – Necə aradan qaldırmalı?

2023.08.03 16:04
1141 Baxış

Selülit xanımların əsas problemlərindən biri hesab edilir.

Bir çoxları sellülitin yalnız ayaq və ombalarda dəri nahamarlığı olduğunu düşünür. Əslində, bu, orqanizmdə ciddi metabolik pozğunluqların əlamətidir və yağ toxumasında iltihab mənbəyidir.

“Medicina” xəbər verir ki, qastroenteroloq Dilyara Lebedevanın sözlərinə görə, selülitin səbəbi estrogenlərin üstünlük təşkil etdiyi cinsi hormonların balanssızlığı və ya tiroid hormonlarının çatışmazlığı ola bilər.

Selülitin 4 mərhələsi var:

Sellülitdən əvvəl. Dərini sıxarkən, topaqlar artıq hiss olunur. Yara və cızıqların sağalması daha uzun çəkir, şişlik görünə bilər.

İlkin. Sıxıldıqda "portağal qabığı" aydın görünür. Toxumalarda şişlik və təzyiq artır, qan mikrosirkulyasiyası pozulur, oksigen çatışmazlığı yaranır.

Mikromodulyar. Dərini sıxdıqda və ya masaj etdikdə ağrı hiss olunur. Ödem damarları sıxır, yağ toxumasında maddələr mübadiləsi pozulur, hipoksiya baş verir. Dəri heç hamar görünmür.

Makronodulyar. Dəri süngər kimidir. Çoxlu çökəklikləri və tüberkülləri bəzi yerlərdə şişir və mavi rəng alır. Dəri soyuqdur və toxunmaq çətindir. Bu artıq lifli selülitdir - ciddi bir xəstəlikdir.

Bəs bunun üçün nə etməli?

Un, şirin, qızardılmış və yağlı məhsulları istisna edin;

İdmanla məşğul olun - məşq zamanı toxumalardan mayenin çıxması yaxşılaşır və qan dövranı aktivləşir;

Sıx yağ strukturlarını yumşaltmaq və ya ayırmaq üçün vakuum masajı edin və ya LPG terapiyasından keçin;

Dərinin tonunu və mikrosirkulyasiyanı yaxşılaşdırmaq üçün anti-selülit vasitələrindən istifadə edin;

Maddələr mübadiləsini və hormonal balansı yaxşılaşdırın;

Selülitdən xilas olmaq, bədənin görünüşünü və sağlamlığını yaxşılaşdırmaq üçün hormonlarınızla məşğul olmağa başlayın.

Aynur Məmmədova