Selin Dionun tutulduğu nadir sindrom – Əlamətləri nələrdir?
- 2024.07.03 17:41
- 410 Baxış
Dünya şöhrətli müğənni Selin Dion son günlərdə "I Am: Celine Dion" sənədli filmi ilə adından söz etdirir.
Filmdə Selin Dionun hazırda əziyyət çəkdiyi xəstəliklə mübarizəsindən də bəhs edilib.
Medicina.az məşhur müğənninin yerimə və oxuma qabiliyyətinə belə təsir edən nadir sindrom haqqında məlumatları təqdim edir:
Sərt əzələ sindromu (SPS) naməlum etiologiyalı nadir nevroloji xəstəlikdir. Bu, mərkəzi sinir sisteminə təsir edən, nəzarətə edilə bilməyən, ağrılı əzələ spazmlarına səbəb olan nadir otoimmün hərəkət pozğunluğudur.
Bu sindromdan əziyyət çəkənlərə yüksək səslər və ya yüngül toxunuş belə mənfi təsir edir və spazmlara səbəb olur.
Səbəbi dəqiq bilinməsə də, bu sindromun immunitet sisteminin səhvən bədənin normal toxumalara hücum etdiyi "otoimmün xəstəliklərdən" biri olduğu düşünülür.
Xroniki ağrı, hərəkət sistemindəki pozğunluqlar və lomber hiperlordoz ümumi simptomlardır.
Spazmlar şiddətli və gözlənilməz şəkildə baş verə bilər. Bu, bəzən sümüklərin qırılması ilə belə nəticələnə bilir.
Xəstəliyin dəqiq mexanizmi aydın deyil.
SPS xəstələrində qlutamik turşu dekarboksilazaya qarşı anticisimlər aşkar edilmişdir ki, bunlar ümumi əhali arasında nadir hallarda müşahidə olunur. Bu antikorların xəstəliyin səbəbi olduğu düşünülür.
Aysel
Ən Çox Oxunanlar
Yeni Xəbərlər
