Saxta içkidən zəhərlənmə - Əsas əlamətlər
- 2025.02.08 13:40
- 161 Baxış
Saxta spirt zəhərlənməsi ciddi və ölümcül ola bilər.
Yaxşı, saxta spirt zəhərlənməsinin əlamətləri hansılardır?
Medicina.az təqdim edir:
Son illər saxta alkoqoldan zəhərlənmə halları artıb və bu, ciddi sağlamlıq problemlərinə, hətta ölümlə nəticələnə bilər.
Saxta içkilər olduqca zəhərlidir, çünki onların tərkibində adətən etil spirti əvəzinə metil spirti (metanol) olur.
Metanol orqanizmdə parçalandıqda sinir sisteminə, qaraciyərə və böyrəklərə ciddi ziyan vurur.
Yüngül başgicəllənmə və ürəkbulanma kimi ilk simptomlar görünsə də, zamanla şüur itkisi, korluq və orqan çatışmazlığı kimi həyati təhlükələr yarana bilər.
Buna görə də özünüzü saxta alkoqoldan qorumaq, onun əlamətlərini erkən tanımaq və tez tədbirlər görmək böyük əhəmiyyət kəsb edir.
Simptomlar adətən içdikdən sonra bir neçə saat ərzində görünür və zaman keçdikcə pisləşir.
Erkən simptomlar (ilk 6-24 saat)
- Başgicəllənmə, yuxululuq
- Şiddətli ürəkbulanma və qusma
- Mədə ağrısı
- Şiddətli baş ağrısı
-Zəiflik, şüurun qarışıqlığı
Sonrakı simptomlar
- Görmə pozğunluqları (bulanıq görmə, ikiqat görmə, işığa həssaslıq, korluq)
- Nəfəsdə aseton qoxusu (şirin və ya meyvə qoxusu)
- Nəfəs darlığı, sürətli və dərin nəfəs
- Huşun itirilməsi, koma
- Sancılar
- Böyrək çatışmazlığı və orqan çatışmazlığı
Aygün
Medicina.az
Ən Çox Oxunanlar
Yeni Xəbərlər
