Sarımsağın kişi orqanizminə möcüzə faydası
- 2023.04.26 21:51
- 3425 Baxış
Sarımsağın bütün kişilər üçün sevimli qida halına gətirən üç gözlənilməz faydası vardır.
“Medicina” xəbər verir ki, dünyada milyonlarla insan dərmandan istifadə etmədən, qida rasionunu yaxşılaşdırmaqla təhlükəli xəstəliklərin inkişafının qarşısını almağa üstünlük verir. Məsələn, yeyilən təzə tərəvəz və meyvələrin nisbətini artıraraq, təbii ət, balıq və süd məhsulları yeyir.
Həkim – diyetoloq Marina Sorokinanın sözlərinə görə, məhsullar arasında insanların ən çox ümid bəslədiyi 2 tərəvəz var: məsələn, soğan və sarımsaq.
Qışda hər kəs soyuqdəymə və ya qripə yoluxma riskini azaltmaq üçün onları müntəzəm olaraq yeyir. Həqiqətən də bu bitki mənşəli məhsulların tərkibində immunitet sistemini gücləndirən faydalı maddələr var.
Sarımsağı təkcə qışda və ya payızda deyil, bütün ilboyu istifadə edə bilərsiniz. Bu xüsusilə kişilər üçün faydalı olacaq.
Sarımsaq yalnız sinir sisteminin düzgün işləməsini deyil, həm də əzələlərin böyüməsini stimullaşdıran B vitaminlərinin gözəl mənbəyidir. Sarımsağın digər qeyri-adi xüsusiyyəti cinsi funksiyaya müsbət təsir etmək qabiliyyətidir. Məhsulda kişi cinsi funksiyası üçün önəmli testosteron səviyyəsini artıran selen və sink var.
Aygün Musayeva
Ən Çox Oxunanlar
Yeni Xəbərlər
