Sarımsağın bilmədiyiniz zərərləri

2024.04.05 12:20
1621 Baxış

Sarımsaq bütün dünyada ən faydalı qidalardan biri hesab edilir. Ancaq hər bir qidada olduğu kimi sarımsağı da çox yemək məsləhət deyil. Çünki bu zaman onun mənfi təsirləri üzə çıxır.

Sarımsaq çox yeyildikdə orqanlara zərə verə bilər. Sarımsağı əsasən də acqarına və çiy yemək məsləhət görülmür.

Medicina.az sarımsağın zərərlərini araşdırıb:

İshal yaradır

Bağırsaq xəstəliklərindən əziyyət çəkənlərə və ya müvəqqəti bağırsaq pozulmaları zamanı çiy sarımsaq yemək tövsiyə olunmur. Çünki sarımsaq vəziyyəti daha da pisləşdirə bilər.

Ürəkbulanma

Sarımsaq mədəsində xəstəlik olanlarda və qoxuya qarşı həssas olanlarda ürəkbulanmaya səbəb ola bilər.

Mədə yanması

Mədəsində xora olanlar və reflü xəstələri sarımsağı acqarına yeyərsə, mədə yanması ilə üzləşə bilər. Hətta onlarda qusma da baş verə bilər.

Nəfəs korlanır

Sarımsağı çiy halda yemək ağız boşluğunda uzunmüddətli qoxuya səbəb olur. Sarımsaqda kükürd maddəsi olduğu üçün nəfəsi korlayır.

Qaraciyər zəhərlənir

Sarımsaqda olan allisin adlı kimyəvi birləşmə qaraciyəri zəhərləyə bilər. Odur ki, orqanizmdə bu toksik maddənin çox olmaması üçün sarımsağı gündə 2-3 dişdən artıq yemək məsləhət deyil.

Qanaxma təhlükəsi

Sarımsaq təbii qan durulaşdırıcı kimi tanınır. Odur ki, diş çəkdirənlər, aspirin qəbul edənlər, əməliyyat olanlar, hər hansı daxili qanaması olanlar sarımsaq yeməməlidirlər.

Təzyiq problemi

Qan təzyiqini aşağı salan təsirinə görə, həddindən artıq istehlak qan təzyiqi balanssızlığına səbəb ola bilər.

Allergiya riski

Sarımsağın qaşınma, nəfəs darlığı və qızarıqlıq kimi allergik reaksiyalara səbəb olması mümkündür.

Aysel