Saqqızla insan orqanizminə əhəmiyyətli dərəcədə mikroplastik keçə bilər.
“Medicina” xəbər verir ki, Kaliforniya Universitetinin alimləri müəyyən ediblər ki, bir ədəd saqqız çeynədiyiniz zaman tüpürcəyinizə yüzlərlə, bəzən də minlərlə mikroskopik plastik hissəciklər buraxılır.
Tədqiqatçılar 10 məşhur saqqız markasını sınaqdan keçiriblər : onlardan beşi sintetik əsaslı, beşi isə təbii əsaslı. Təcrübədə tək bir üsuldan istifadə edildi: bir nəfər hər nümunəni dörd dəqiqə çeynədi və hər 30 saniyədən bir tüpürcək nümunələrini toplandı. Ayrı bir təcrübədə, ayrılan hissəciklərin miqdarının zamanla necə dəyişdiyini görmək üçün tüpürcək 20 dəqiqə ərzində toplandı.
Mikroplastik hissəciklər mikroskopiya və infraqırmızı spektroskopiyadan istifadə edərək təhlil edilmişdir. Məlum olub ki, hər bir saqqız orta hesabla 1 qramda 100-ə yaxın, bəzi hallarda isə 600-ə qədər plastik hissəciklər buraxır. Tipik bir saqqız parçasının çəkisi 2 ilə 6 qram arasında olduğundan, bir böyük saqqız üç minə qədər mikroplastik hissəcik buraxa bilər.
Tədqiqatın müəllifləri sintetik saqqızların daha çox plastik buraxacağını gözləyirdilər, lakin təhlillər göstərdi ki, həm sintetik, həm də təbii nümunələrdə təxminən eyni miqdarda mikroplastik var.
Üstəlik, sınaqdan keçirilmiş bütün saqqızlarda eyni polimerlər var idi: poliolefinlər (o cümlədən polietilen və polipropilen), polietilen tereftalat (PET), poliakrilamidlər və polistirol.
Alimlər eyni saqqızı daha uzun çeynəməyi və daha az tez-tez yenisi ilə dəyişməyi təklif edirlər. Bu, insanın saqqız vasitəsilə qəbul etdiyi mikroplastiklərin miqdarını azaltmağa kömək edəcək.
Gələcəkdə alimlər mikroplastiklərin insan orqanizmini nə qədər çirkləndirə biləcəyini başa düşmək üçün bu məsələni daha ətraflı öyrənməyi planlaşdırırlar.
Aygün Musayeva