Sağlamlıq imkanı məhdud şəxslərlə bağlı - YENİ LAYİHƏ
- 2020.03.12 15:47
- 2375 Baxış
Niderland Krallığının Xarici İşlər Nazirliyi tərəfindən maliyyələşdirilən və Qafqaz Tədqiqatlar və Resurs Mərkəzi - Gürcüstan təşkilatı tərəfindən icra olunan “Vətəndaş Cəmiyyətinə Dəstək Proqramı” çərçivəsində “Sağlamlıq imkanı məhdud bir qrup insanın məşqulluğunun artırılmasına dəstək” adlı təşəbbüs icra olunur.
Medicina.az xəbər verir ki, təşəbbüs çərçivəsində sağlamlıq imkanı məhdud bir qrup insanın məşqulluğunun artırılması məqsədi ilə onların peşəyə yiyələndirilməsi, əl işlərinin satışının təşkili və cəmiyyətə düzgün inteqrasiyasına dəstək verilməsi nəzərdə tutulub.
Burada ilkin olaraq bir qrup sağlamlıq imkanı məhdud şəxsə xüsusi hədiyyəlik əşyaların hazırlanması qaydalarının öyrədilməsi üçün üç aylıq peşə kursları təşkil olunacaq. Daha sonra isə təşəbbüs çərçivəsində yaradılmış mərkəzdə davamlı olaraq onların əl işlərinin satışı təşkil olunacaqdır. Mərkəz Bakı şəhəri, Xətai rayonu ərzisində fəaliyyət göstərəcək.
Məqsədimizdən faydalanmaq istəyənlərin (+994) 55-705-44-44, (+994) 51-291-72-25 telefon nömrələri ilə əlaqə saxlamaları və ya [email protected] poçt ünvanına yazmaları xahiş olunur. Əlaqələndirici şəxs: Qəribova Nərminə Şərif qızı.
Ən Çox Oxunanlar
Yeni Xəbərlər
