Temperatur 40 dərəcəni keçdikdə, kimlər infarkt və insult ola bilər? – SİYAHI
- 2019.06.24 16:54
- 24746 Baxış
Meteoroloqlar bu gündən Azərbaycanda havanın hərarətinin 40 dərəcəni keçəcəyini bildirib. Dözülməz istilərdə insanlar gündəlik iş və həyat rejimini dəyişmək istəmir. İsti yay günləri infarkt və insult olanların sayını artırır.
Medicina.az 40 dərəcədən yuxarı havalarda kimlərin infarkt və beyin qanaması riski daşıdığını araşdırıb.
Nəyə görə yayda ürək daha çox yüklənir və tez sıradan çıxma təhlükəsi yaranır?
-İstənilən orqanizm, hətta sağlam adamda da istiyə damarların genişlənməsi ilə cavab verir ki, nəticədə təzyiq düşür. İsti havalarda bədən temperaturunu və orqanların işini saxlamaq üçün ürək gücləndirilmiş rejimə keçir və normadan qat-qat artıq işləməyə başlayır.
-İsti havada bədən çox mate itirir, bu maye ilə birgə duz-mineral da yuyulub gedir. Ürəyin normal ritmi üçün lazım olan kalium və maqniy də azaldığından, ürək bir an dayana da bilər.
- Susuzlaşma nəticəsində qan qatılaşır. üstəlik venoz damarların genişlənməsi tromb yaranmasına və ya mövcud trombun hərəkətinə şərait yaranır. Tromb vacib damarlardan birini tıxayaraq, insult, infarkt, ağciyər emboliyası və s. yaradıb, ölümə səbəb ola bilər.
İlkin əlamətlər:
-Təngnəfəslik
-Yorğunluq
-Görmənin pisləşməsi
-Ürək çırpınması
-Təzyiqin kəskin qalxması və ya enməsi
Kimlər ürək çatışmazlığı və infarktdan yayda təhlükədədir?
Amerika kardioloqlar Assosiasiyasının məlumatına görə bu 10 qrup insan yayda ehtiyatlı olmalıdır:
1.Yaş faktoru – yaşı 65-70 və yuxarı olanlar. Eləcə də yaşı 40-43 arası olan kişilər.
2.Cinsiyyət – kişilər zərərli vərdişlər və ürək-damar sisteminin tez sıradan çıxması səbəbindən
3.Ailədə, nəsildə ürək problem – atası, babası, əmiləri ürək infarktrından dünyasını dəyişən kişilər ehtiyatlı olmalıdır
4.İrq – alimlər bildirir ki, Afrika, Asiya və Latın Amerikası əhalisi daha çox risk altındadır
5.Siqaret, nikotin – Gündə 12 və daha çox siqaret, tütün çəkən insanlarda 4 dəfə artıq risk çoxdur
6.Qanda xolesterinin miqdarı – insanda nə qədər çox "pis xolesterin” varsa, bir o qədər damar tıxanması və infarkt, insult riski yüksəkdir. Qanda xolesterinin səviyyəsini yoxlatmaq asandır.
7.Yüksək təzyiq – bütün hipertoniklər, hansılar ki, təzyiq 160-180 və daha yüksək olur, damarlar sıradan çıxır, böyrəklər imtina edir.
8.Oturaq həyat tərzi, ofis işi- Bu insanların ürək-damar sistemi daha zəif olur
9.Artıq çəki – çəkisi 90 kiloqram və yuxarı olan, bel və qarnında artıq piylər toplanmış hər bir şəxs artıq olan hər sm piy qatına qarşılıq 6-7% infarkta yaxındır.
10.Diabet – yay aylarında diabetiklərin insult, infarkt və koma ilə xəstəxanaya düşmə faizi yüksəlir. Bu insanlar ümumiyyətlə isti havalarda digər şəxslərə nisbətən çox diqqətli və hazırlıqlı olmalıdır
Qeyd edək ki, siyahıda olmayan və heç vaxt ürəyində narahatlıq hiss etməyən insanlar da infarkt ola bilər. Bu onunla əlaqədardır ki, insanların çoxu təzyiq xəstəsi olduğunu bilmir və ürəyinin durumundan xəbərsizdir.
Ən Çox Oxunanlar
Yeni Xəbərlər
