Baş ağrılarından təbii üsullarla belə xilas olun - QAYDALAR
- 2019.06.10 11:28
- 9706 Baxış
Baş ağrısı bəzən dözülməz hala çatır. Ağrılar baş qaldırdığı zaman təbii yollar tapmaq daha məsləhətlidir. Təbii üsullar hər zaman daha effektiv və sağlam yoldur.
Medicina.az şiddətli baş ağrılarından azad olmaq üçün təbii üsulları təqdim edir.
Xroniki baş ağrısı zamanı mütləq həkimə müraciət etmək lazımdır. Normal baş ağrılarını isə dərmansız da keçirmək olar.
LAVANDA
Sakitləşdirici təsiri olan lavanda baş ağrısı üçün də təsirlidir. Bu bitkinin qoxusu baş ağrısı və miqren əlamətlərini azaldır. Xüsusilə stressdən qaynaqlanan baş ağrısı zamanı bir stəkan suya lavanda yağı damcıladın. Bu qarışığı qoxlamaq sizə yaxşı təsir bağışlayacaq.
NANƏ-LİMON
Təmiz bez və yaxud tənzifi nanə-limon suyunda isladın. Sıxıb alnınızda saxlayın. Bu prosesi tez-tez təkrarlaya bilərsiniz. Digər təklif isə nanə yağını qoxlamaqdır.
ZƏNCƏFİL
Ağrıkəsici xüsusiyyəti də olan zəncəfil çayı qəbul etmək baş ağrısını yüngülləşdirir.
İSTİ SU VƏ BUZ TORBASI
Boyununza buz torbası qoyarkən, ayaqlarınızı isti suya salın. Bu üsul olduqca təsirlidir. Baş ağrınız tez zamanda azalcaq. Bunun səbəbi vücudda qanın fəaliyyətinə təsir etməkdir. Bu üsul tətbiq edildiyində damarlar rahatlanır.
QƏHVƏ
Gündə bir fincan qəhvə içmək ağrıkəsici xüsusiyyəti daşıyır. Lakin unutmamaq lazımdır ki, bu içkini tez-tez içmək də olmaz. Əgər günə bir fincan qəhvə düsturuna əməl etsəniz, nəinki baş ağrısından xilas olacaq, başqa faydalarını da görəcəksiniz.
İLIQ SU İLƏ DUŞ
Gərginlik və stressin səbəb olduğu baş ağrısının həll yolu ilıq su ilə duş qəbul etməkdir. Bu prosedurdan sonra bədən rahatlanır, burun yolları açılır, nəticədə isə baş ağrılarınızın yüngülləşdiyini hiss edəcəksiniz.
AÇIQ HAVA
Başınızda ağrı hiss etdiyinizdə iş fəaliyyətinizə qısa müddətlik fasilə verin. Açıq havaya çıxmaq təsirli üsuldur. Bol oksigen udmaq baş ağrısını kəsir. Çölə çıxmaq imkanınız yoxdursa, olduğunuz mühitin havasını dəyişin. Pəncərəni açıb içəri təmiz hava axını daxil olmasına şərait yaradın.
MASAJ
Gicgahınıza və qaşlarınızın arasından alnınıza doğru və burun deşiklərinin üzərindən başlayaraq, göz kənarlarınız istiqamətində masaj edin. Mütəxəssislərin bu tövsiyəsi hər zaman təsirini göstərir.
QARANLIQ VƏ SƏSSİZLİK
Baş ağrısının kökündə bəzən həddən artıq narahatedici işıqlar və səs-küylü mühit dayanır. Buna görə də az işıq və səssizlik olan yerlərdə qısa müddətli dincəlməyə çalışın. Bu üsul ağrılarınıza müsbət təsir edəcək.
YATMAQ
Müntəzəm yuxusuzluq baş ağrısı ilə birbaşa əlaqəlidir. Yetərli yuxu almayan insanlarda orqanizm baş ağrısı kim fərqli reaksiyalar verir. Baş ağrıları müşahidə etdiyiniz anda qısa müddətli gözləri yummaq, hətta yatmaq olduqca rahatlandırır.
Ən Çox Oxunanlar
Yeni Xəbərlər
