Rusiyada daha 8 nəfər şaurmadan zəhərləndi
- 2024.07.25 09:00
- 825 Baxış
Rusiyada daha 8 nəfər şaurmadan zəhərlənib.
Medicina.az xəbər verir ki, bu barədə Rospotrebnadzor məlumat yayıb.
Məlumata görə, Krasnoyarsk diyarının cənubundakı Minusinsk şəhərində 8 nəfər şaurma yedikdən sonra həkimə müraciət edib.
Müayinələr zamanı onların hamısının zəhərləndiyi məlum olub.
Hadisədən sonra şaurmanın satıldığı kafedə sanitariya-epidemioloji araşdırma aparılıb.
Kafedə qida məhsullarının üzərində etiketlər olmayıb. Məkanda vaxtaşırı təmizlik işlərinin aparılmadığı məlum olub.
Sanitariya tələblərinə cavab verməyən, ümumi çəkisi 370 kq-dan çox olan ərzaq məhsulları satışdan çıxarılıb. Kafenin fəaliyyəti isə 90 günlük dayandırılıb.
Qeyd edək ki, son günlər Rusiyada tez-tez zəhərlənmə halları baş verir. Bu yaxınlarda şaurmadan 17 nəfər zəhərlənib və onlara salmonella diaqnozu qoyulub. Bundan əlavə ölkədə "botulizm" infeksiyasına kütləvi yoluxma qeydə alınıb.
Aysel
Ən Çox Oxunanlar
Yeni Xəbərlər
