Rahat yatmağınıza mane olan - 3 səbəb
- 2023.08.01 19:47
- 974 Baxış
Yatmazdan iki saat əvvəl telefon və ya komputeri söndürmək "yuxu gigiyenası”nın təməl şərtidir. Lakin digər gözlənilməz amillər ideal yuxunuza təsir edə bilər.
“Medicina” xəbər verir ki, yatdığınız otağı qaranlıq etmək və yatmazdan əvvəl çobanyastığı çayı içmək kimi şeylər yuxu gigiyenanızı yaxşılaşdırmaq üçün ata biləcəyiniz addımdır.
Ancaq bir sıra digər amillər gecələr yuxuya getməyinizə mane ola bilər.
1. Yataq dəstinin materialı
Döşək, yastıq və örtüyün materialı insan bədənini qıcıqlandıra və ya rahatlada bilər. Döşəklər arasında ən pisi vinil örtüklü poliuretan və köpük yastıqlardır.
Üzvi pambıq döşək, yastığın istifadəsi və təmiz hava qəbulu, yatarkən tənəffüs sağlamlığımızı dəstəkləyə bilər.
2. Axşam saatlarında enerjili məşq
İdman yuxunun keyfiyyətini yaxşılaşdırır, lakin belə görünür ki, orta fiziki fəaliyyət yuxunu yaxşılaşdırmaqda gərgin fəaliyyətdən daha təsirli ola bilər. Artıq yuxusuzluqla mübarizə aparanlar axşam deyil, səhər məşq etməlidirlər.
İdman simpatik sinir sistemini stimullaşdırdığından və yuxu parasimpatik sinir sisteminin stimullaşdırılmasından (istirahət və həzm) asılı olduğundan, yuxu keyfiyyətini yaxşılaşdırmaq üçün məşqə yoqa, meditasiya, tai çi və ya nəfəs məşqləri kimi parasimpatik fəaliyyətlər daxil edilməlidir.
3. Yatmazdan öncə yataq otağında keçirilən uzun zaman.
Günün çox hissəsini parlaq gün işığı olmayan qapalı məkanda, axşamı parlaq mavi işıq yayan ekranlara baxaraq yaxşı işıqlandırılmış otaqlarda keçiririksə, təbii sirkad ritmimizi açıq şəkildə pozmuş oluruq.
Bu bizi gündüz yuxulu edə və gecələr melatonin istehsalını azalda bilər, bu da yatmaqda çətinlik çəkməyimizə səbəb olur.
Günay Quluzadə
Ən Çox Oxunanlar
Yeni Xəbərlər
