Qubada Regional Travmatoloji Mərkəz yaradıldı - FOTO
- 2023.11.25 13:22
- 1472 Baxış
Medicina.az xəbər verir ki, Mərkəz tərəfindən Quba, Xaçmaz, Qusar, Şabran və Siyəzən rayonlarının əhalisinə ixtisaslaşdırılmış tibbi xidmət, həmçinin müvafiq profil üzrə mürəkkəb klinik hallar zamanı regionun tibb müəssisələrinə konsultativ-diaqnostik yardım göstərilir.
Mərkəzin fəaliyyətinin əsas məqsədi regionda yaşayan əhalinin müvafiq profiln üzrə ixtisaslı tibbi xidmətə əlçatanlığının təmin edilməsindən ibarətdir.
İndiyədək yalnız paytaxtda yerləşən ixtisaslaşmış tibb müəssisələrində icrası mümkün olan bir sıra mürəkkəb travmatoloji əməliyyatların sözügedən Mərkəzdə həyata keçirilməsinə başlanılıb. Mərkəzdə endoprotez əməliyyatları da həyata keçiriləcək.
Qeyd edək ki, mərkəz travmatoloji əməliyyat alətləri ilə tam təmin olunub və son 2 gün ərzində 4 mürəkkəb cərrahi əməliyyat icra olunub. Eyni zamanda Regional Travmatoloji Mərkəzdə artıq “Bud sümüyünün intramedullyar fiksasiyaedici ştiflə osteosintezi” cərrahi əməliyyatı icra olunub. İcra edilmiş əməliyyat uğurla nəticələnib, pasiyentin vəziyyəti qənaətbəxşdir.
Ən Çox Oxunanlar
Yeni Xəbərlər
Bu xesdaxana Qubanın harasindadir ve körpelerin de canaqina baxıb müalicə edilirmi