Qlobal istiləşmə xərçəng epidemiyası yaradacaq
- 2023.06.08 11:23
- 1330 Baxış
Alimlər qlobal istiləşmənin xərçəngin artmasına səbəb ola biləcəyini deyirlər. Buzlaqların və qarların əriməsi səbəbindən şiş böyüməsinə səbəb olan maddələr havaya və okean sularına daxil olur.
“Medicina” xəbər verir ki, bu maddələr daha sonra qida zəncirinə və oradan da insan orqanizminə daxil olaraq xərçəng, ürək xəstəliklərinə və sonsuzluğa səbəb ola bilir.
Alimlərin xəbərdarlıqları qlobal istiləşmə, iqlim dəyişikliyi və davamlı üzvi çirkləndirici toksinlər arasındakı əlaqəyə dair beynəlxalq araşdırmadan sonra gəlir.
Mütəxəssislər müəyyən ediblər ki, orta temperaturun artması və digər ekstremal iqlim dəyişiklikləri bütün dünyada insanların davamlı üzvi çirkləndiricilərə (DÜÇ) məruz qalmasını artırır. DÜÇ illər ərzində buzlaqlarda toplanıb.
Birləşmiş Millətlər Təşkilatının Ətraf Mühitin Mühafizəsi Proqramından Donald Kuperin sözlərinə görə, yalnız çox az miqdarda DÜÇ qida zəncirinə qida-istehlakçı əlaqəsi vasitəsilə əlaqəsi daxil olacaq.
Lakin onlar zaman keçdikcə, daha çox yığılmağa meyllidirlər. Qida zəncirinin sonunda isə insan var. Biz ana südündə və qanında davamlı üzvi çirkləndiricilər tapırıq.
Bundan əlavə, iqlim dəyişikliyi və temperaturun ümumi artması malyariyanın daha da geniş yayılmasına səbəb ola bilər.
Aygün Musayeva
Ən Çox Oxunanlar
Yeni Xəbərlər
