Hansı özəl klinikaya etibar edirsiz? - SORĞU

Xəbərlər
Xəbərlər
- Həkim yayılan epidemiyadan danışdı “Qızılca olan hər 10 uşaqdan 1-i öləcək”

- Həkim yayılan epidemiyadan danışdı“Qızılca olan hər 10 uşaqdan 1-i öləcək”

2018.01.11 15:13
15826 Baxış

Azərbaycanın uroloq-cərrahı, tibb elmləri üzrə fəlsəfə doktoru Vasif İsmayıl Kiyevdə yayılmış qızılca epidemiyası ilə bağlı bəzi faktlar açıqlayıb.

Medicina.az xəbər verir ki, o, şəhərdə epidemiyanın sürətlə yayılma səbəbi kimi peyvəndin vurulmadığını göstərib.

"Ümumdünya səhiyyə təşkilatı qızılcadan ildə ortalama 150 min insan vəfat etdiyini bildirir. Bunların əksəriyyəti 5 yaşına qədər uşaqlardır.

Statistikaya əsasən qızılca xəstəliyinə tutulmuş beş yaşına qədər hər 10 uşaqdan biri itiriləcək.

Kiyevdə epidemiyanın səbəbi qızılca peyvəndi vurulmuş insanların cəmiyyətdəki nisbətinin kritik həddən aşağı düşməsidir.

Kiyevdə qızılca peyvəndi vurulmuş uşaqların nisbəti 30%-dir. Romanın dediyinə görə Azərbaycanda da belədir. İnanıram. Bəzən belə bir şey eşidirsiniz:

-Uşağıma heç peyvənd vurdurmadım. Xəstələnmir də. Demək ki, peyvənd lazımsız şeydir.

Yalandır. Öz də nadan yalanı.

Mən və mənim kimi məsuliyyətli vətəndaşlar uşaqlarına peyvənd vurdurur deyə sizin uşağınız xəstələnmir.

Amma cəmiyyətdə peyvənd edilməmiş insanların sayı müəyyən nisbətdən aşağı düşəndə epidemiya baş qaldırır.

Qızılca xəstəliyinə tutulmuş beş yaşına qədər hər 10 uşaqdan biri öləcək”.

Qeyd edək ki, bu ilin yanvarın 1-dən başlayaraq Kiyevdə 61 nəfərin qızılcaya tutulduğu aşkarlanıb. Onlardan 49-u uşaqdır. Bu səbəbdən Kiyevdə fövqəladə vəziyyət elan olunub. Şəhərdə kütləvi tədbirlərin keçirilməsi bir ay müddətində məhdudlaşdırılıb. Qızılcaya qarşı peyvənd olunmayan uşaqlar bağça və məktəblərə buraxılmır.