Qızıl düyü – Adi düyüdən fərqi
- 2025.02.25 18:11
- 98 Baxış
Qızıl düyü adını xarakterik sarı rəngindən almışdır ki, bu da tərkibində yüksək beta-karotin olmasına görədir. Bu düyü deyildiyi qədər də əlçatmaz deyil.
“Medicina” xəbər verir ki, qızıl düyü geni dəyişdirilmiş düyü çeşididir və alimlər tərəfindən ənənəvi pəhrizin tərkibində A vitamini olan qidaların zəif olduğu ölkələrdə insanlara kömək etmək üçün xüsusi olaraq yetişdirlib.
O, ilk dəfə 1999-cu ildə yaradılmış və sonra qida maddələrinin səviyyəsini artırmaq üçün təkmilləşdirilmişdir.
Qızıl düyü ilə adi düyü arasındakı əsas fərq onun tərkibindədir. Ənənəvi ağ düyüdə beta-karotin yoxdur, qızıl düyüdə isə əhəmiyyətli miqdarda var. Bu, bu maddənin sintezindən məsul olan genlərin düyü DNT-sinə daxil edilməsi sayəsində mümkün olub.
Bundan əlavə, qızıl düyü adi ağ və ya qəhvəyi düyü ilə eyni qida xüsusiyyətlərinə malikdir, eyni zamanda bütün zəruri karbohidratları və mikroelementləri saxlayır.
A vitamini çatışmazlığı ilə mübarizə aparmağa kömək edir Bu vitaminin çatışmazlığı uşaqlar və hamilə qadınlar üçün xüsusilə təhlükəlidir. Bu, görmə problemləri, zəifləmiş immunitet və digər xəstəliklərə səbəb ola bilər.
Görmə qabiliyyətini yaxşılaşdırır. A vitamini göz sağlamlığının qorunmasında əsas rol oynayır. Beta-karotinlə zəngin qidaların müntəzəm istifadəsi gecə korluğunun və digər görmə problemlərinin qarşısını alır.
İmmuniteti dəstəkləyir. A vitamini immunitet sisteminin normal işləməsi üçün vacibdir, bədənin infeksiyalarla mübarizə aparmasına kömək edir.
Qaraciyər və ya yerkökü kimi A vitamininin digər mənbələrindən fərqli olaraq, qızıl düyünü müxtəlif qidalara çıxışı məhdud olan ərazilərdə yaşayan insanların pəhrizinə daxil etmək daha asandır. Bu düyü elə də bahalı deyil.
Aygün Musayeva
Ən Çox Oxunanlar
Yeni Xəbərlər
