Qazdan kütləvi zəhərlənmə - 45 nəfər xəstəxanaya yerləşdirildi
- 2019.11.25 15:45
- 2628 Baxış
Rusiyanın Nijeqorod vilayətində kütləvi zəhərlənmə olub.
Medicina.az APA-ya istinadən xəbər verir ki, noyabrın 25-də Vad kəndində 45 nəfər qaz zəhərlənməsi ilə xəstəxanaya yerləşdirilib. Zərərçəkənlərdən 44 şagird, biri müəllimdir. Həkimlər onlardan 10-nun vəziyyətini orta-ağır kimi qiymətləndirirlər.
Kənd məktəbinin zəhərlənmə qeydə alınan binalarından biri bağlanıb. Məktəbin digər korpusu fəaliyyətini əvvəlki qaydada davam etdirir.
İlkin məlumata görə, zəhərlənmə məktəbin 1,5 km-liyində yerləşən qazpaylayıcı stansiyada qaz sızmasından baş verib.
Hüquq-mühafizə orqanlarından bildirilib ki, müəssisədə texnoloji proses pozulduğuna görə belə hal yaşanıb. Qaz sızmasının qarşısı qısa müddətdə alınıb.
Ən Çox Oxunanlar
Yeni Xəbərlər
