Qaraciyərdə fibroz beyinə təsir edir
- 2023.07.04 21:03
- 2783 Baxış
Qaraciyər xəstəliklərinin qarşısının alınması demensiya və Alsheymer kimi xəstəlikləri gecikdirə bilər.
Qaraciyərdə fibroz - daimi iltihab nəticəsində yaranan çapıqlaşmanın ilk mərhələlərinə verilən addır.
Bu müxtəlif xroniki qaraciyər xəstəlikləri, o cümlədən yağlı qaraciyər və alkoqolla əlaqəli qaraciyər xəstəlikləri ilə əlaqədardır. Bununla belə, yeni araşdırmalar göstərir ki, fibroz yalnız qaraciyərə təsir etmir.
“Medicina” xəbər verir ki, hepatoloq Alla Yujnovanın sözlərinə görə, fibroz idrak qabiliyyətinin azalması və beyin həcminin azalması ilə əlaqələndirilir.
“Beyində iltihab qaraciyərə təsir edir. Getdikcə daha çox insan başa düşməyə başlayır ki, beyinlə əlaqəli pozğunluqlar digər orqanlara təsir edir. Qaraciyər, ürək və digər xəstəliklərin beyinə, beyin pozğunluqlarının isə bədənə təsir etdiyini başa düşməyə başlayırıq.
Tədqiqatçılar xüsusi olaraq, qaraciyərin fibrozunun koqnitiv funksiya, o cümlədən iş yaddaşı, yeni problemləri həll etmək qabiliyyəti və informasiyanın emal sürəti, həmçinin beynin müxtəlif nahiyələrində boz maddənin həcminə təsirini tədqiq ediblər.
Onlar sağlam iştirakçılarla müqayisədə qaraciyər fibrozu olan insanların hipokampus, hipotalamus, striatum və beyin sapı da daxil olmaqla beynin bir sıra nahiyələrində idrakın pozulması və boz maddənin həcminin azalmasına meylli olduğunu aşkar ediblər”.
Aygün Musayeva
Ən Çox Oxunanlar
Yeni Xəbərlər
