Xəbərlər
Önəmli
Qadın pasiyentlərin ən çox aşiq olduğu kişi həkimlər – 5 sevimli həkim tipi

Qadın pasiyentlərin ən çox aşiq olduğu kişi həkimlər – 5 sevimli həkim tipi

2019.02.23 00:06
30473 Baxış

Elə həkimlər var ki, onlara qadın pasiyentlər daha çox maraq göstərir, hətta aşiq olurlar. Düzdür, kişi həkimlər qadın pasiyentə sadəcə pasiyent kimi baxır və nadir hallarda şəxsi münasibət qururlar.

Araşdırmalar göstərib ki, bu kişi həkimlərin qadın fanatı daha çox olur. Onları digər həkimlərdən fərqləndirən nədir? Daha mehriban, daha diqqətli, daha ürəyə yaxın olmaları?

Medicina.az qadınların daha çox aşiq olduğu 5 həkim tipini təqdim edir:

1.Psixiatr, psixoterapevt, psixoloq

Depressiyada olan qadınların üz tutduğu, çətin anında yanında olan, məsləhətlər verən, gələcəyə inandıran, komplimentlər deyən, üstəlik qadının bəzi şəxsi həyat problem və sirlərini bilən dərd ortağı həkimi kim sevməz? Ətrafdan, xüsusən həyatında olan kişilərdən lazımi dəstəyi görməyən qadın bu anlarda kim onun yanındadırsa, ona da mehrini sala bilir.

Psixiatrlara qadın pasiyentlərin aşiq olması halları o qədər çoxalıb ki, Britaniya Psixoterapevtlər Birliyi psixiatr həkimlərə pasiyentlə şəxsi münasibətə müalicə və terapiya bitdikdən xeyli sonra başlamaq qaydasını tətbiq edib. Yəni seans, müalicə zamanı qadın pasiyentlə hər hansı əlaqə,münasibət yol verilmir.

2.Ginekoloq

Ginekoloq həkim qadına anadan belə yaxın ola bilir. Qadınlar onunla açıq danışa bilir, ən intim sirlərini bölüşür. Üstəlik həkimin qadınla incə davranması, mehribanlığı əlavə bonuslardır. Amma burda fiziki təmas da az rol oynamır. Sadəcə kişi ginekoloqların peşələri ilə əlaqədar qadın pasiyentlərə bərabər gözlə baxır, nadir halda kiməsə meyillənirlər. Burda yenə də hisslərini cilovlamayan qadınlar ola bilir.

3.Cərrahlar

Onlarda olan əzm, əminlik, sakitlik, dəqiqlik və bir qədər də kobudluq qadınları cəlb edir. Psixoloqlar qeyd edir ki, cərraha bağlılıq normaldır, axı o pasiyenti ölümdən xilas edib, ciddi problemdən qurtarıb.

Obyektivlik naminə deyək ki, cərrahlar nadir halda pasiyentinə aşiq olur. Burda qadın diqqət yetirməlidir: həkim bütün pasiyentlərə qarşı sizə davrandığı kimi davranır, ya xüsusi özəl bir davranışı var? Əgər bir cərrahın qəlbinə pasiyent yol tapa bilibsə, demək, o qadında sirli nəsə var.

4.Stomatoloq

Diş həkimləri də bu siyahıdadır. Qadınlar diş həkimindən qorxur, hər həkimə dişlərini etibar etmir. Stomatoloqlar zarafatcıl, şən olur. Pasiyentlə elə ünsiyyət qururlar ki, növbəti dişlərini də ona etibar etsin. Çox pasiyentlər isə stomatoloqla romantik münasibətə müftə və hədiyyə dişlər xatirinə başlayır. Stomatoloqun qəlbini əldə etmək gözəldir, amma Amerikanın Dentistry jurnalına görə, Amerikada ən çox boşanma halları stomatoloqlar arasındadır.

5.Plastik cərrah

Plastik cərrahlar qadını komplekslərdən qurtarıb, onun gözəlliyinə gözəllik qatan,tərifləyən bir kişidir. Əgər cərrah " əslində sizin bədəniniz, sinəniz çox yaxşıdır, ehtiyac yoxdur, amma əgər çox istəyirsizsə” deyirsə, qadının ürəyində onun yeri hazırdır.

Dünyada plastik cərrahla pasiyentin evliliyi faktları çox olub. Plastik cərrahın arvadı, sevgilisi olmaq da ayrıca avantajdır. Çünki kökəldikdə və doğumdan sonra qalan qarını pulsuz əməliyyat etdirəcək. Həm də plastik cərrahlar ən çox qazanan həkimlər sırasındadır.