Prezervativlərdə və intim gellərdə “əbədi kimyəvi maddələr” aşkarlandı
- 2024.07.29 19:51
- 1311 Baxış
Yeni araşdırmalar müəyyən edib ki, bir neçə markanın prezervativlərində və sürüşkənləşdirici intim gellərində PFAS – toksik "əbədi kimyəvi maddələr" var.
Medicina.az xəbər verir ki, söhbət “Trojan” və “KY Jelly” brendlərindən gedir.
“Mamavation” – istehlakçını müdafiə qrupu tərəfindən aparılan sınaq insan dərisinin PFAS-i əvvəllər düşünüldüyündən daha yüksək miqdarda udduğunu aşkar edib.
"Cinsiyyət orqanlarının dərisi çox nazikdir və burada çoxlu qan damarları var. Bu da onları "əbədi kimyəvi maddələrə" qarşı ən həssas orqanlardan biri edir”, - deyə “Mamavation”ın elmi məsləhətçisi Linda Birnbaumun hesabatında deyilir.
PFAS bəzi məhsulları suya, ləkələrə və istiyə davamlı etmək üçün tez-tez istifadə edilən, təxminən 15 000 kimyəvi maddəyə verilən ümumi addır. Onlar təbii olaraq parçalanmadıqları üçün "əbədi kimyəvi maddələr" adlanırlar.
Onların xərçəng, qaraciyər problemləri, qalxanabənzər vəzi problemləri, doğuş qüsurları, böyrək xəstəlikləri, immunitetin azalması, sonsuzluq və digər ciddi sağlamlıq problemləri ilə əlaqəli olduğu bilinir.
PFAS, həmçinin reproduktiv toksin hesab olunur. Onlar endokrin sistemə mənfi təsir göstərə bilər.
Aysel
Ən Çox Oxunanlar
Yeni Xəbərlər
