Piylənmə və psixoloji problemlər bu genlə əlaqəli imiş
- 2024.07.11 22:11
- 991 Baxış
"TRPC5" adlı genin əskikliyinin piylənmə, psixoloji problemlər və doğuşdan sonrakı depressiyaya səbəb olduğu aşkar edilib.
Medicina.az xəbər verir ki, ABŞ-ın Baylor Tibb Kolleci və Böyük Britaniyanın Kembric Universitetinin tədqiqatçıları TRPC5 geninin olmamasının davranışa təsirini müşahidə etmək üçün siçanlardan istifadə ediblər.
Onlar TRPC5-in sevgi, sədaqət, xoşbəxtlik və sevgi kimi duyğuların əsas mənbəyi olan oksitosin hormonuna təsir etdiyini, buna görə də onun çatışmazlığının piylənmə, narahatlıq və davranış problemlərinə səbəb olduğunu müəyyən ediblər.
TRPC5 geni olmayan dişi siçanların depressiya əlamətləri göstərdiyi və körpələrinə qulluq etməkdə çətinlik çəkdiyi müşahidə edilib. Erkək siçanlarda isə bu genin yoxluğu kökəlmə, təşviş və sosial problemlərlə özünü göstərib.
Tədqiqatçılar TRPC5 geninin piylənmə, psixoloji problemlər və doğuşdan sonrakı depressiyanın müalicəsinə kömək edə biləcəyini düşünürlər.
Araşdırmanın nəticələri “Cell” jurnalında dərc olunub.
Aysel
Ən Çox Oxunanlar
Yeni Xəbərlər
