Pişikdən keçən parazit insanın xasiyyətini dəyişir
- 2023.06.20 16:28
- 1575 Baxış
Toksoplazma ilə yoluxmuş kişilər və qadınlar yoluxmayanlara nisbətən daha sağlam və cazibədar görünürlər.
“Medicina” xəbər verir ki, toxoplasma gondii parazitinin əsas sahibi pişikdir, lakin digər heyvanlar, eləcə də parazitin aralıq sahibinə çevrilən insanlar yoluxa bilər. Toksoplazmanın xroniki daşıyıcılarının dünya əhalisinin 50% -ə qədəri olduğu deyilir.
Tədqiqatlar göstərir ki, parazit sinir sisteminin toxumalarına nüfuz edərək, ev sahibinin davranışına, o cümlədən şəxsiyyət xüsusiyyətlərinə təsir etmək qabiliyyətinə malikdir.
Bundan əlavə, Toksoplazma infeksiyasının insanlarda şizofreniya da daxil olmaqla psixi və nevroloji xəstəliklərin inkişafının əsasını təşkil edə biləcəyinə dair şübhələr var.
Turku Universitetindən (Finlandiya) bioloq Xavyer Borraz-Leonun rəhbərlik etdiyi beynəlxalq tədqiqatçılar qrupu Toxoplasma gondii ilə əlaqəli daha bir qəribə fenomen təsdiqləyib.
Məlum olub ki, yoluxmuş iştirakçıların, xüsusən də kişilərin, yoluxmayanlara nisbətən simmetrik üzləri daha çoxdur. Məlumdur ki, üz cizgilərinin simmetriyası yaxşı fiziki sağlamlıq və sahibinin yaxşı genlər barədə siqnal verir.
Bundan əlavə, yoluxmuş qadınlar orta hesabla daha arıq idilər, özlərini daha cəlbedici hesab edirdilər və yoluxmamış qadınlardan daha çox cinsi partnyorlara sahib idilər.
Elm adamları, toksoplazmanın bir növ insanın endokrin sisteminə təsir göstərə biləcəyini, hormonların səviyyəsini dəyişdirə biləcəyini və nəticədə xarici görünüşünə müsbət təsir etdiyini irəli sürüblər.
Günay Quluzadə
Ən Çox Oxunanlar
Yeni Xəbərlər
