Oqtay Gülalıyev "Amerika xəstəxanasına" köçürülür - SON DURUMU
- 2019.11.18 21:19
- 6964 Baxış
Avtomobil qəzasından sonra müalicə üçün Türkiyəyə aparılan hüquq müdafiəçisi Oqtay Gülalıyevin hazırda İstanbuldakı "Amerika Xəstəxanası”na ("Amerika Hastanesi”) köçürülməsi üçün hazırlıq işləri gedir.
Medicina.az xəbər verir ki, cebhe.info-ya Oqtay Gülalıyevin oğlu Təbriz Gülalıyev bildirib.
O deyib ki, atasının səhhətində hər hansı irəliləyiş yoxdur: "Atam 20 günə yaxındır ki, komadadır, ayılmayıb. Hazırda sənədlərini hazırlayırıq. Atamı "Amerika Xəstəxanası”na köçürürük”.
Qeyd edək ki, Oqtay Gülalıyev noyabrın 6-da Bakıdan AZAL-ın xüsusi ambulans təyyarəsi ilə Türkiyəyə aparılıb və Avrasiya Xəstəxanasına yerləşdirilib. Hüquq müdafiəçisi oktyabrın 29-da avtomobil vurması nəticəsində ağır kəllə-beyin travması alıb. Həkimlər beyinə qansızma diaqnozu qoyublar.
Oktyabrın 30-da beyindən gematomanın çıxarılması üzrə əməliyyat olunub. Həkimlərin proqnozlarına görə, nəticə müsbət olsa, bir neçə həftə sonra hüquq müdafiəçisi komadan çıxa bilər və bundan sonra aylarla reabilitasiya kursu keçməlidir.
Ən Çox Oxunanlar
Yeni Xəbərlər
